BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بعم: ٴبىلىم جۇيەسىندە بلوكچەين – دەرەكتىڭ جويىلماۋىنا كەپىل

قازاقستان رەسپۋبليكاسىنىڭ ٴبىلىم جانە عىلىم مينيسترلىگى ەلدەگى ٴبىلىم بەرۋ سالاسىنا بلوكچەين جۇيەسىن ەنگىزبەك، دەپ حابارلايدى ۆaq.kz اقپارات اگەنتتىگى.

«ٴبىلىم بەرۋ جۇيەسىندە قۇجاتتاردىڭ قاعاز نۇسقالارىن (كۇندەلىكتەر، اتتەستاتتار، ديپلومدار) ساقتاۋدا ٴبىر ماسەلە بار، ول – بەلگىلى ٴبىر قۇجاتتارعا وزگەرىس ەنگىزۋ، ولاردى ٴبۇلدىرىپ الۋ نەمەسە جوعالتۋ ٴقاۋپى. ايتالىق، وقۋشى جەكە ٴىس-قاعازىن جوعالتقان جاعدايدا، ونى قالپىنا كەلتىرۋ ٴۇشىن تەك وقۋشى عانا ەمەس، جالپى مەكتەپ تە ٴبىراز ۋاقىتىن جۇمسايدى. بلوكچەين – ٴارقايسىسىندا وشىرۋگە نەمەسە وزگەرتۋگە بولمايتىن اقپاراتتار ساقتالعان بلوكتار تىزبەگى. ياعني، جاڭادان قۇرىلعان دەرەكتەر قورىندا وقۋشىنىڭ نە ستۋدەنتتىڭ بارلىق باعاسى، بىلىكتىلىگى، جەكە جەتىستىگى تۋرالى اقپاراتتار ساقتالادى»، - دەلىنگەن ۆەدومستۆو تاراتقان حابارلامادا.

بعم بلوكچەين دەرەكتەردىڭ شىنايىلىعىنا كەپىلدىك بەرەدى دەپ سەندىرىپ وتىر.

«بۇل جۇيەدە وقىتۋشى تۋرالى پىكىر قالدىرۋعا دا بولادى. بلوكچەينگە ەنگىزىلگەن اقپاراتتى ٴوشىرۋ، جوعالتۋ نەمەسە قايتا جاساۋ مۇمكىن ەمەس. مىسالى، وقۋشى باسقا وقۋ ورنىنا اۋىساتىن بولسا، ٴبىرىڭعاي جۇيەنىڭ ارقاسىندا وقۋشىنىڭ ٴبىلىم الۋى بويىنشا دەرەكتەر قولجەتىمدى بولادى. ٴبىلىم جۇيەسىندە بلوكچەين دەرەكتەردىڭ ٴابسوليۋتتى ناقتىلىعىنا جانە ولاردىڭ وزگەرۋىنىڭ مۇمكىن ەمەستىگىنە كەپىلدىك بەرەدى»، - دەپ حابارلادا بعم ٴباسپاسوز قىزمەتى.

بلوكچەيندى ورتا، جوعارى جانە قوسىمشا ٴبىلىم بەرۋمەن قاتار، ٴبىلىم بەرۋدىڭ ەرتە كەزەڭىندە، مىسالى، بالاباقشالارعا دا ەنگىزۋ كەرەك. ناتيجەسىندە، بارلىق اقپاراتتىڭ بلوكچەيندە سەنىمدى تۇردە جازىلۋى ەسەبىنەن وقۋشىنىڭ وقۋداعى جەتىستىكتەرى ٴومىر بويىنا قولجەتىمدى بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي