BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اداسقاندار مەكەنى

فوتو: Автор

كوكشەتاۋ، baq.kz ٴتىلشىسى. كوكشەتاۋداعى الەۋمەتتىك بەيىمدەۋ ورتالىعىندا 47 ادام تۇرىپ جاتىر. ولاردىڭ اراسىندا باسپاناسى جوق مۇمكىندىگى شەكتەۋلى جاندار، زەينەتكەرلەر، شەتەلدەن جۇمىس ىستەۋ ٴۇشىن كەلگەندەر مەن ىشىمدىككە سالىنعان ادامدار دا بار.

قوعامداعى ەڭ اۋىر ٴارى جاۋاپكەرشىلىگى جوعارى جۇمىس الەۋمەتتىك سالا قىزمەتكەرلەرىنە تيەسىلى. ويتكەنى ولار كومەككە مۇقتاج جاندارعا رۋحاني دەم بەرىپ، كومەك كورسەتەدى. سولاردىڭ ٴبىرى – كوكشەتاۋداعى الەۋمەتتىك بەيىمدەۋ ورتالىعىنىڭ قىزمەتكەرلەرى. قازان ايىنىڭ سوڭعى جەكسەنبىسى – الەۋمەتتىك قورعاۋ سالاسى ماماندارىنىڭ كاسىبي مەرەكەسى قارساڭىندا ورتالىقتىڭ تىنىس-تىرشىلىگىمەن تانىسىپ قايتتىق.

ورتالىق قىزمەتكەرلەرىنىڭ ايتۋىنشا، جازدا جاپپاي ەركىندىك ىزدەپ، ٴوز بەتىمەن كەتكەن باسپاناسى جوق جاندار كۇن سۋىتا الەۋمەتتىك بەيىمدەۋ ورتالىعىنا ورالا باستايدى.

الەۋمەتتىك بەيىمدەۋ ورتالىعىنا كەلىپ، وڭالىپ كەتەتىندەر – از

ورتالىقتى پانالاپ جۇرگەندەردىڭ تاعدىرى ٴارقيلى. قاي-قايسىسىن سوزگە تارتساڭ دا ومىرلەرىنە وكپەلى ەكەنىن تۇسىنەسىڭ. ٴبىرى ىشىمدىكتىڭ كەسىرىنەن وتباسىنان ايىرىلىپ، ۇي-كۇيسىز دالادا قالسا، ەندى ٴبىرىنىڭ ىزدەۋشىسى جوق، باسپاناسى جوق بولعاندىقتان وسى جەردى پانالاۋعا ٴماجبۇر.

«ورتالىقتا 36 ادام جۇمىس ىستەيدى. جىل باسىنان بەرى ورتالىق 157 ادامدى قابىلدادى. تىركەۋگە الىنعان ازاماتتىڭ جۋىنىپ، ٴۇستى-باسىن قالىپقا كەلتىرۋگە مۇمكىندىك بەرىلەدى. مەديسينالىق بولىمدە دارىگەرلەر جاڭادان كەلگەن قونىستانۋشىنى مۇقيات قاراپ شىعادى. كۇن سۋىتقاننان كەيىن وسى ورتالىقتى پانالايتىندار سانى كوبەيەدى: ٴبىرى مۇندا ٴوز ەركىمەن كەلسە، ەندى ٴبىرى الەۋمەتتىك كۇزەت قىزمەتكەرلەرىنىڭ كومەگىمەن كەلگەن. مۇنداعى تۇراقتى باسپاناسى جوقتاردىڭ كوبى اۋداندار مەن وزگە ەلدەردەن جۇمىس ىزدەپ كەلگەندەر، سونداي-اق ىشىمدىككە سالىنعاندار»، - دەيدى ورتالىق ديرەكتورى ٴاليا ٴاشىموۆا.

ورتالىققا كەلگەن سوڭ قالىپتى ومىرگە ورالىپ، وڭالىپ كەتەتىندەرى وتە از. وندا دا تۋما-تۋىستارىنىڭ كۇشتەۋىمەن بولماسا، ىشىمدىكتى قوياتىنداردىڭ سانى ساناۋلى عانا ەكەن.

«جەكە كۋالىكتەرى مەن ٴتولقۇجاتتارى جوقتارى قانشاما. وتكەن رەيدتە ارباعا تاڭىلعان ٴۇش مۇگەدەك جاننىڭ بىرەۋى قارتتار ۇيىنە ورنالاستىرۋدى ٴوتىندى. ەكىنشى ازاماتقا مۇگەدەكتىگىن رەسىمدەۋگە كومەكتەسەمىز. ورتالىققا تۇسكەن كەز كەلگەن جاننىڭ تاعدىرىنا بەي-جاي قارامايمىز»، -دەيدى ول.

«بومج»-داردىڭ ەڭ جاسى – 30-دا، ەڭ ۇلكەنى – 80-دە

وسىنداعى زاڭگەر گۇلنار سەرىكجانوۆانىڭ ايتۋىنشا، مەكەمەدەگى ەڭ جاس ازاماتتىڭ جاسى 30-دا بولسا، ەڭ كارىسى 80-دە.

«ورتالىقتى بىرنەشە جىلدان بەرى پانالاپ كەلە جاتقان شەتەل ازاماتتارى دا بار. ولاردىڭ دا قۇجاتتارى جوق. ال ولاردى ەلىنە قايتارۋ ماقساتىندا كورشى ەلگە رەسمي حات جىبەرىلەدى»، - دەيدى ول.

مەكەمە قىزمەتكەرلەرى مۇنداعى تۇرعىنداردىڭ ٴتىلىن تابۋ وڭاي ەمەستىگىن ايتادى. اششى سۋعا جاقىندىقتارى بىلاي تۇرسىن، ورتالىق ازىرلەپ بەرگەن قۇجاتتارىن ٴبىر بوتەلكە اراق ٴۇشىن كەپىلگە قويىپ، ايىرىلىپ كەلەتىندەر دە جەتەرلىك.

جىل باسىنان بەرى 78 ادامنىڭ 49-ى تۇراقتى جۇمىسپەن قامتىلعان. گازبەن دانەكەرلەۋشى، اسپاز ماماندىقتارىنا وقىتىلعان. كوپشىلىگى قوعامدىق جۇمىستارعا تارتىلادى. ولاردىڭ ارقايسىسىمەن ەڭبەك كەلىسىمشارتى جاسالادى.

«ورتالىقتاعىلاردان جىلى ورىن مەن تاماعى ٴۇشىن ەشقانداي اقى تالاپ ەتىلمەيدى. سونداي-اق، ولاردى قوعامدىق جۇمىستارعا ارالاستىرامىز. ٴوز قالاۋلارى بويىنشا بىزدەگى وندىرىستىك شەبەرحانالارعا ورنالاستىرىلادى. ەرەجەگە سايكەس، مۇندا ٴبىر جىلعا عانا قونىستانۋعا رۇقسات بەرىلەدى. وسى ارالىقتا قۇجاتى جوقتارعا ٴتولقۇجات جاساپ، وقۋعا ق ۇلىق تانىتقانداردى قايتا وقىتىپ، ومىرگە بەيىمدەپ شىعارىپ جىبەرەمىز، - دەيدى الەۋمەتتىك بەيىمدەۋ ورتالىعىنىڭ ديرەكتورى ٴاليا ٴاشىموۆا.

جىل باسىنان بەرى 35 ادامنىڭ قۇجاتى قايتا جاسالدى

اپتاسىنا بىرنەشە رەت رەيد ۇيىمداستىرىلادى. قايىر سۇرايتىندار كوبەيىپ كەتكەندە ٴموبيلدى پاترۋل قىزمەتى كۇن سايىن شىعادى. قىستا كۇشەيتىلگەن رەجيمدە جۇمىس ىستەيدى.

«كەيبىر ادامدار قۇجاتتارىن ادەيى جوعالتادى. ٴى، ٴىى توپ مۇگەدەكتەرى مەن جالعىزباستى قاريالار قارتتار ۇيىنە جىبەرىلەدى. قۇجاتتارى دايىن بولعانشا ورتالىقتا تۇرادى»، - دەيدى الەۋمەتتىك بەيىمدەۋ ورتالىعى جانىنداعى تۇنگى بولىمشەنىڭ مەڭگەرۋشىسى اقىلبەك بەكماعامبەتوۆ.

مەكەمە قىزمەتكەرلەرىنىڭ سوزىنە سۇيەنسەك، قانعىباستارعا مەملەكەت تاراپىنان ىشكيىم، ش ۇلىق، گيگيەنالىق زاتتار عانا بەرىلەدى. ال، ولاردى كيىم-كەشەكپەن قامتاماسىز ەتۋگە قايىرىمدى جاندار كومەكتەسەدى.

«كەز كەلگەن ادام ۇيىندەگى قاجەتسىز كيىم-كەشەكتەردى وسىندا وتكىزۋلەرىنە بولادى. ول ٴۇشىن 77-49-89، 77-02-61 تەلەفوندارىنا حابارلاسىپ، كومەكتەسكىڭىز كەلەتىنىن ايتاسىز»، - دەيدى ورتالىق ديرەكتورى ٴا.ٴاشىموۆا.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي