جاپونياداعى يادرولىق اپات چەرنوبىلدىڭ دەڭگەيىنە جەتتى - الەم|14 ٴساۋىر 2011، 09:11
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاپونياداعى يادرولىق اپات چەرنوبىلدىڭ دەڭگەيىنە جەتتى

فۋكۋسيما يادرولىق ستانساسىنداعى رادياسيا ٴ7-شى دەڭگەيگە جەتتى دەپ باعالاندى. مۇنداي توتەنشە جاعداي الەمدەگى ەڭ ۇلكەن يادرولىق اپات بولىپ ەسەپتەلگەن ۋكراينانىڭ چەرنوبىل رەاكتورىندا 1986 جىلى بولعان جارىلىستا تۋعان ەدى.

ٴساۋىردىڭ ٴ12-ى جاپونيانىڭ يادرولىق ماماندارى اۋاعا، جەر بەتى مەن تەڭىز سۋىنا تاراعان رادياسيا دەڭگەيىن 5-تەن 7-گە جەتتى دەپ باعالادى. بۇل ماگاتە-نىڭ حالىقارالىق كورسەتكىشى بويىنشا دابىل قاعاتىنداي دەڭگەي بولىپ وتىر.

ناۋرىزدىڭ 11-دەگى جەر سىلكىنىسى مەن سۋناميدەن كەيىن ىستەن شىققان فۋكۋسيما داييچي يادرولىق ستانساسىنداعى رادياسيا كورسەتكىشىن ۇكىمەت جاڭارتا سالىسىمەن ساقتىق شارالارى مەن ەسكەرتۋلەر كۇشەيىپ وتىر.

ماگاتە-نىڭ حابارلاۋىنشا، جاڭا انىقتالعان مالىمەتتەر رادياسيانىڭ ادام دەنساۋلىعىنا، قورشاعان ورتاعا زور زيان تيگىزەتىن ٴىرى اپات ەكەنىن كورسەتكەن.

حالىقارالىق ينسپەكتورلار فۋكۋسيما اپاتىنىڭ ٴقاۋپى جوعارى دەگەنىمەن، جاپونيانىڭ يادرولىق قاۋىپسىزدىك اگەنتتىگىنىڭ اعا قىزمەتكەرى حيدەيكو نيشياما رادياسيانىڭ ادام دەنساۋلىعىنا ٴقاۋپى تۋرالى باسقاشا ايتادى:

قيراعان قالا ورنىندا جۇرگەن تۇرعىندار، وتسۋچي قالاسى، 12 ٴساۋىر 2011 جىل

«ناۋرىزدىڭ 18-ىنەن بەرى جيناعان مالىمەتتەرىمىزدىڭ نەگىزىندە بۇل جەتىنشى دەڭگەيدى الدىڭعى باعالاۋدا-اق بەرگەنبىز. الايدا، باسىندا راديواكتيۆتى زاتتاردىڭ شىعۋ دەڭگەيى چەرنوبىل اپاتى كولەمىنىڭ 10 پايىزىن قۇرادى».



جاپونيا ۇكىمەتى فۋكۋسيماداعى يادرولىق داعدارىس جالعاسا بەرسە، جايىلعان رادياسيا كۇشى چەرنوبىل اپاتىنداعى رادياسيا دەڭگەيىنەن اسىپ تۇسەتىنىن مويىنداپ وتىر.



ۇكىمەت وكىلى يۋكيو ەدانونىڭ ايتۋىنشا، بۇل سوڭعى ەسكەرتۋلەر فۋكۋسيماداعى اپات اسا ۇلكەن ەكەنىن ناقتىلاي ٴتۇستى.



ول يادرولىق كەشەن ماڭىندا تۇراتىن تۇرعىندار مەن حالىقارالىق قاۋىمداستىقتان وسىنداي اپاتقا جول بەرىلگەنى ٴۇشىن كەشىرىم سۇرادى.



دۇيسەنبى كۇنى ەدانو ەگەر فۋكۋسيما يادرولىق ستانساسى ماڭىنا ەنگىزىلگەن 20 شاقىرىمدىق ەۆاكۋاسيادان تىس جەرگە رادياسيا تاراعانى انىقتالسا، جاپونيا تۇرعىنداردى كوشىرۋ اۋماعىن كەڭەيتەدى دەپ حابارلاعان.



- ٴبىز ەۆاكۋاسيا اۋماعىن كەڭەيتۋ جونىندە جاڭا شەشىمگە كەلدىك. وعان سەبەپ، كەيبىر ايماقتاردا 20 شاقىرىمدىق ەۆاكۋسيا زوناسىنان تىس جەرلەردە رادياسيا دەڭگەيى اۋا-رايى مەن گەوگرافيالىق جاعدايعا قاتىستى جوعارى بولىپ وتىر، - دەدى ول.



ەدانو جاس بالالار، جۇكتى ايەلدەر مەن مەديسينالىق كومەككە ٴزارۋ ناۋقاس ادامدار فۋكۋسيمادان 30 شاقىرىمداي الشاق ايماققا كوشىرىلۋى ٴتيىس جانە بۇل وڭىردەگى مەكتەپتەر جابىلۋى كەرەك دەپ سانايدى.


توكيو ەلەكتر قۋاتى كومپانياسىنا قاراستى فۋكۋسيما داييچي اەس-ىندەگى اپات وشاعى قاشىقتان باسقارىلاتىن تىكۇشاق ارقىلى تۇسىرىلگەن مىنا سۋرەتتە كورىنىپ تۇر. 10 ٴساۋىر 2011 جىل


جاپونيا ۇكىمەتى فۋكۋسيما رەاكتورلارى ماڭىنداعى ەۆاكۋاسيا اۋماعىن 30 شاقىرىمنان تىس جەرلەردە اسىرەسە جەل سوعىپ تۇراتىن سولتۇستىك-باتىس ايماقتاعى اۋىلدىق جەرلەردە كەڭەيتۋدى جوسپارلاپ وتىر.

اقش پەن اۆستراليا سياقتى ەلدەر جاپونياداعى ٴوز ازاماتتارىنا يادرولىق اپات ايماعىنان كەمىندە 80 شاقىرىمداي قاشىق كەتۋگە كەڭەس بەردى. ٴبىراق جاپونيا ماگاتە-نىڭ الدىڭعى ەسكەرتۋىنە قاراماستان، ەۆاكۋسيا اۋماعىن ۇلعايتۋدان باس تارتىپ كەلگەن.

بۇۇ-نىڭ اتوم ىستەر جونىندەگى اگەنتتىگى جەكسەنبى كۇنى ٴوزىنىڭ يادرولىق ماماندار توبى 60 شاقىرىمدىق جەردەگى رادياسيا دەڭگەيىن تەكسەرگەنىن ايتتى. ال جاپونيانىڭ يادرولىق اگەنتتىگى ناقتى قانشا رادياسيا تاراعانىن ايتۋ قيىن دەدى. دەگەنمەن دە تاراعان رادياسيا كولەمى بيلىك وكىلدەرىنىڭ الدىڭعى حابارلاعانىنان 100 ەسە جوعارى بولىپ شىقتى.

ۇكىلاي بەستاي.

http://www.azattyq.org/content/japan_fukusima_catastrophy_reaches_level_seven/3555079.html

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي