BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پويىز جولدان شىعىپ، 22 ادام قازا تاپتى

فوتو: ашық дереккөзден

استانا. baq.kz. تايۆاننىڭ سولتۇستىك-شىعىسىندا پويىز رەلستەن شىعۋى سالدارىنان 22 ادام قازا تاۋىپ، 170-تەن استام تۇرعىن زارداپ شەككەن. بۇل تۋرالى bbc حابارلايدى.

جەرگىلىكتى بيلىكتىڭ رەسمي مالىمەتىنە سايكەس جولاۋشىلاردىڭ جارتىسى ۇيىندىلەردىڭ استىندا قالعان ەكەن.

جول اپfتى 21 قازان كۇنى جەرگىلىكتى ۋاقىت بويىنشا تايپەيدەن 70 شاقىرىم جەردە بولعان.

6432 تەمىرجول ەكسپرەسىنىڭ 8 ۆاگونى رەلستەن شىققان. پويىز تايپەي-تايتۋنگ باعىتى بويىنشا جول ٴجۇرىپ بارا جاتقان. وندا 366 جولاۋشى وتىرعان.

تايۆان تەمىرجول باسقارما باسشىسىنىڭ ورىنباسارى لۋ چي-شەن ٴباسپاسوز ٴماسليحاتىندا پويىزدىڭ 6 جىل قولدانىستا بولعانىن، ونىڭ تەحنيكالىق جاعدايى جاقسى بولعانىن ايتتى.

قازىرگى تاڭدا پويىزدىڭ نە سەبەپتى رەلستەن شىعىپ كەتكەنى بەلگىسىز.

كۋاگەرلەر جۋرناليستەرگە قاتتى شۋدى ەستىگەنىن ايتادى. كەيىن ولار پويىزدان ۇشقىن مەن ٴتۇتىننىڭ شىققانىن كورگەن.

دارىگەرلەر مەن ٴورت سوندىرۋشىلەر زارداپ شەككەندەرگە كومەك كورسەتۋدە.

ەلدىڭ قورعانىس ٴمينيسترىنىڭ ايتۋىنشا، قۇتقارۋ وپەراسياسىنا 120 اسكەري قىزمەتكەر جۇمىلدىرىلعان. كۋاگەرلەر رەلستەن شىعىپ كەتكەن پويىزداردىڭ تەرەزەسىن سىندىرىپ، جولاۋشىلاردىڭ شىعۋىنا كومەكتەسكەن. 10 ادام جەرگىلىكتى اۋرۋحاناعا جەتكىزىلگەن.

كەيبىر مالىمەتكە سايكەس، جول اپاتىنان اقش ازاماتى قازا تاپقان.

تايۆان پرەزيدەنتى ساي ينۆەن twitter الەۋمەتتىك جەلىسىندە بولعان جاعدايدى ورنى تولماس قازاعا تەڭەدى.

«قازىرگى تاڭدا مەن تەك قازا تاپقان ازاماتتار مەن ولاردىڭ وتباسىن ۋايىمداپ وتىرمىن»، - دەپ جازدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي