BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پلاستيك ونىمدەرىن وندىرۋشىلەر ايىپپۇل تولەۋى مۇمكىن

استانا، baq.kz. ەۋروپارلامەنت پلاستيكتەن جاسالعان ٴبىر رەت پايدالاناتىن ونىمدەردى قولدانۋعا تىيىم سالۋدى قولدادى.

ازاتتىقتىڭ جازۋىنا قاراعاندا، تىيىم سالۋدى مامىر ايىندا ەۋروپا كوميسسياسى ۇسىنعان. ەۋروپارلامەنتتىڭ سايتىندا حابارلانعانداي، ەندى جۇقا پلاستيك پاكەتتەر، سۇيىقتىق ىشۋگە ارنالعان تۇتىكشەلەر، ماقتالى تاياقشالار جانە تاماق ىشۋگە ارنالعان ٴبىر رەتتى پلاستيك تاباقشالار مەن ىدىستاردى پايدالانۋعا شەكتەۋ قويىلماق.

تىيىم بىرتىندەپ 2021 جىلعا دەيىن ەنگىزىلەدى. تىيىم سالۋدى ۇسىنعاندار ەۋروپاداعى تەڭىز سۋلارىنىڭ لاستانىپ بارا جاتقانىنا الاڭدايدى. ەۋروپا كوميسسياسىنىڭ مالىمەتىنشە، ەۋروپا جاعاجايلارىن لاستايتىن قوقىستىڭ جارتىسىن ٴبىر رەت قولداناتىن پلاستيك ونىمدەرى قۇرايدى. ال الەمدىك مۇحيت سۋلارىنداعى قوقىستىڭ تورتتەن ٴۇش بولىگى - پلاستيك ونىمدەرى.

ەۋروپارلامەنت سونىمەن قاتار پلاستيك ونىمدەرىن شىعارۋشىلاردى قورشاعان ورتاعا پلاستيكتەن كەلەتىن زالالدى وتەۋگە مىندەتتەۋ ۇسىنىسىن دا ماقۇلدادى. پلاستيك وندىرۋشىلەرى بۇعان قوسا ەۋروپا وداعىنداعى جاعاجايلار مەن تەڭىزدەردى تازالاۋعا جۇمسالعان شىعىندى دا وتەۋگە مىندەتتەلمەك.

ەندى ەۋروپا كوميسسياسى ەۋروپا وداعى ەلدەرىمەن تىيىمدى كۇشىنە ەندىرۋ جونىندە كەلىسسوز باستاۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي