BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وزبەكستان امەريكالىق ۇيىمدى ون جىلدىڭ ىشىندە العاش رەت تىركەدى

وزبەكستاننىڭ ادىلەت مينيسترلىگى ۆاشينگتوندا ورنالاسقان حالىقارالىق ٴبىلىم بويىنشا امەريكالىق كەڭەستىڭ (american councils for international education) جەرگىلىكتى بولىمشەسىن رەسمي تۇردە تىركەۋگە الدى، دەپ حابارلايدى baq.kz اقپارات اگەنتتىگى.

بۇل وزبەكستاندا سوڭعى ون جىلدان استام ۋاقىتتىڭ ىشىندە اككرەديتاسيادان وتكەن العاشقى امەريكالىق ۇكىمەتتىك ەمەس ۇيىم.

وزبەكستاندىق uzdaily.com سايتى 30 تامىزدا وزبەكستاننىڭ ادىلەت ٴمينيسترىنىڭ ورىنباسارى اكبار تاشكۋلوۆتىڭ اقش ەلشىسى پامەلا سپراتلەنگە ۇيىمنىڭ سەرتيفيكاتىن تاپسىرعانىن حابارلادى.

حالىقارالىق ٴبىلىم بويىنشا امەريكالىق كەڭەس ٴبىلىم بەرۋ جانە ٴبىلىم الۋ الماسۋ باعدارلاماسىن جۇزەگە اسىرادى. ۆاشينگتونداعى ٴباسپاسوز بريفينگىسىندە اقش مەملەكەتتىك دەپارتامەنتىنىڭ ٴباسپاسوز حاتشىسى حيزەر نويەرت بۇل قوزعالىس “اقش پەن وزبەكستان اراسىنداعى دامىپ كەلە جاتقان ستراتەگيالىق ارىپتەستىك پەن وزبەكستان ۇكىمەتىنىڭ ماڭىزدى رەفورما مەن حالىقارالىق قارىم-قاتىناستى جانداندىرۋ بويىنشا مىندەتتەمەلەر العانىن” كورسەتەدى دەدى.

بۇل قادام ەكى ەل ازاماتتارىنىڭ قارىم-قاتىناسىن نىعايتادى دەپ ايتقان نويەرت امەريكالىق كەڭەس “اقش پەن وزبەكستان اراسىنداعى عىلىمي جانە مادەني الماسۋلار بويىنشا كوپ مۇمكىندىكتەرگە جول اشادى” دەپ اتاپ وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي