BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر: سودىرلار ورتالىق ازياعا ورالۋى مۇمكىن

استانا، baq.kz. قازاقستاننىڭ سىرتقى ىستەر ٴمينيسترى قايرات ٴابدىراحمانوۆ سيريادا جەڭىلىسكە ۇشىراعان سودىرلار ٴوز ەلدەرىنە قايتا ورالۋى مۇمكىن دەپ مالىمدەدى. بۇل تۋرالى kazislam.kz سايتتى جازدى.

مينيستر تەرروريستەردىڭ ٴوز ەلىنە قايتا ورالۋى ورتالىق ازيانىڭ بۇكىل مەملەكەتتەرى ٴۇشىن ٴقاۋىپ تۋعىزاتىنىن اتاپ كەتتى. سول سەبەپتى بۇل ماسەلەگە ەرەكشە ٴمان بەرۋ كەرەكتىگىن ايتتى.

«دايش تەرروريستەر توبى سيريادا جەڭىلىسكە ۇشىراعاننان كەيىن، ٴقازىر لاڭكەستەردىڭ ٴوز ەلدەرىنە قايتا ورالۋ ٴقاۋپى ٴتونىپ تۇر، ونىڭ ىشىندە ورتالىق ازيا مەملەكەتتەرىنە، بۇل ماسەلەگە ەرەكشە ٴمان بەرگەن ٴجون»، - دەيدى مينيستر ريا نوۆوستي ساۋالىنا بەرگەن جازباشا جاۋابىندا.

ٴسىم باسشىسىنىڭ ايتۋىنشا، سيريانىڭ ىشكى احۋالى نەعۇرلىم تەزىرەك قالىپقا كەلسە، تۇراقسىزدىقتىڭ بۇل وشاعى دا اۋىزدىقتالاتىن بولادى. بۇل – قازاقستاننىڭ رەسمي ۇستانىمى، دەدى ول.

سيرياداعى قارۋلى قاقتىعىس 2011 جىلى باستالدى. 2017 جىلدىڭ سوڭىندا سيريا مەن يراكتاعى دايش تەرروريستەرىنىڭ جەڭىلگەنى تۋرالى جاريالانعان. الايدا ەلدىڭ كەي اۋداندارىندا سودىرلاردان تازارتۋ شارالارى جۇرگىزىلىپ جاتىر. احۋالدى رەتتەۋ بويىنشا ٴبىرىنشى كەزەكتە ساياسي پروبلەمالار مەن بوسقىنداردىڭ قايتارىلۋ ماسەلەسى شەشىمىن تابۋى كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي