BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەركەل ميگراسيالىق ساياساتتى كۇشەيتۋ كەرەكتىگىن ايتتى

بۇگىن بريۋسسەلدە ەۋروپا وداعىنىڭ (ەو) ٴسامييتى اشىلدى. سامميتتە تالقىلانعان باستى تاقىرىپ - ميگراسيا ماسەلەسى، دەپ حابارلايدى baq.kz اقپارات اگەنتتىگى.

گەرمانيا كانسلەرى انگەلا مەركەل سامميت قارساڭىندا پارلامەنتتە سويلەپ، ەۋروپا ەلدەرى ميگراسيا ماسەلەسى بويىنشا ورتاق ساياسات جاساۋ كەرەگىن مالىمدەدى. مەركەلدىڭ ايتۋىنشا، ەو-نىڭ بارلىق ەلى زاڭسىز ميگراسيانى ازايتۋعا ىنتالى.

انگەلا مەركەل ەگەر وداقتىڭ 28 ەلى ورتاق شەشىم تابا الماسا، وندا ورتاق ساياساتقا كەلىسەتىن ەلدەر اراسىندا جەكەلەگەن كەلىسىم جاساسۋ كەرەگىن ايتادى.

بۋندەستاگقا ارناعان ۇندەۋىندە مەركەل 2015 جىلى گەرمانيانىڭ ٴبىر ميلليونعا دەيىن بوسقىن قابىلداۋى شەشىمىن كورشى ەلدەرگە كومەك كورسەتۋ قادامى دەپ قورعاشتادى. ٴبىراق مەركەل ٴقازىر يمميگراسياعا بۇرىنعىدان قاتاڭ باقىلاۋ قوياتىن ۋاقىت تۋعانىن ايتتى.

"ەۋروپا كوپتەگەن پروبلەماعا تاپ بولىپ وتىر، ٴبىراق ميگراسيا ەو ٴۇشىن ەڭ باستى پروبلەمالاردىڭ ٴبىرى بولماق"، - دەگەن كانسلەر بۇل ماسەلە بويىنشا كەلىسپەۋشىلىكتەن وداقتىڭ كۇيرەۋىنە جول بەرۋگە بولمايتىنىن ايتتى.

ەو-نىڭ سىرتقى شەكاراسىن قورعاۋ عانا ەمەس، ەو-نىڭ ٴوز ىشىندەگى ميگراسيالىق اعىندى رەتتەۋ وزەكتى ماسەلەگە اينالىپ وتىر. اسىرەسە يتاليانىڭ ميگراسيالىق ساياساتىن رەفورمالاۋ كەرەك. بۇل ەل سوڭعى ۋاقىتتا افريكا ەلدەرىنەن تەڭىز ارقىلى كەلگەن بوسقىنداردى ەلگە كىرگىزبەي وتىر. ورتالىق ەۋروپا ەلدەرىنىڭ كوبى ەو اياسىندا بوسقىنداردى قايتا ٴبولۋ ساياساتىنا ۇزىلدى-كەسىلدى قارسى.

ەو ەلدەرى اراسىندا كەلىسىمنىڭ جوقتىعى گەرمانيانىڭ وزىندە مەركەلدىڭ بيلىگىن السىرەتۋى مۇمكىن. بۇل ەلدە ميگراسيالىق ماسەلەگە بايلانىستى ۇكىمەتتە داعدارىس تۋىنداۋ ٴقاۋپى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي