كوسوۆو: كەلىسسوز كەلىسىمگە باستايدى - الەم|11 ناۋرىز 2011، 12:02
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوسوۆو: كەلىسسوز كەلىسىمگە باستايدى

دۇبىرگە تولى دۇنيە بريۋسسەلدە كوسوۆو مەن سەربيا اراسىندا ەكى كۇنگە سوزىلعان كەلىسسوز ٴوتتى. ساراپشىلار مۇنداي كەزدەسۋدىڭ بولعانىنا وڭ باعا بەرىپ وتىر. ويتكەنى، بۇعان دەيىن وسىناۋ ەكى مەملەكەتتىڭ ارا­سىندا ەشقانداي ديپلوماتيالىق قارىم-قاتىناس بولا قويماعان.
بۇل كەلىسسوزدىڭ وتۋىنە ەۋرو­وداق­تىڭ دانەكەرلىك جا­ساعانىن اتاپ وت­كەن ٴجون بولار. سول كە­لىس­سوزگە دە ونىڭ وكىلى روبەرت كۋپەر قاتىستى. سەربيا دە­لەگاسياسىن وسى ەلدىڭ سىرتقى ىستەر مينيسترلىگىنىڭ ساياسي دي­رەك­تورى بوريسلاۆ ستەفانوۆيچ باس­قارسا، كوسوۆو دەلەگاسياسىنا ۇكىمەت باسشىسىنىڭ ورىنباسارى ەديتا تاحيري جەتەكشىلىك ەتتى. كەلىسسوزدىڭ كۇن تارتىبىنە ساياسي ماسەلەلەر قويىلىپ وتىرعان جوق، ازىرگە تەك تەحنيكالىق ماسە­لەلەر عانا. اڭگىمە شەكارادان ٴوتۋ جانە كوسوۆو تۇرعىن­دارىنىڭ جەكە كۋا­لىكتەرى تۋرالى. بۇگىندە بولەك مەملەكەتتەرگە اينالعانى­مەن، كەزىندە ٴبىر بولعان بۇل ەلدەر ٴۇشىن شەكارادان ەكى جاققا ٴوتىپ تۇرۋدىڭ دا ماڭىزى ايتارلىقتاي. بۇل جونىندە كەلىسىمگە كەلۋ دە ۇلكەن بەتبۇرىس. كۇن تارتىبىنە ساياسي ماسەلە­لەر­دىڭ قويىلماۋىنا دا تۇسىنىس­تىكپەن قاراعان ٴجون شىعار، وعان ەڭ الدى­مەن كوسوۆو جاعى قارسى. ساياسي ما­س­ەلە دەگەندە، ول ەل تاۋەلسىزدىگىنە قا­­تىستى بولادى. كوسوۆو ٴۇشىن تاۋەل­­سىزدىك ماسەلەسى ٴسوز بولماۋعا ٴتيىس، ول ٴبىرجولا شەشىلگەن، ول تالقىلاۋعا جاتپايدى: كوسوۆو – تاۋەلسىز مەملەكەت. كوسوۆو ماسەلەسى سوڭعى شيرەك عاسىرعا جۋىق ۋاقىتتا الەم جۇرت­­شىلىعىنىڭ نازارىندا بولعانى، ساياسي وي-پىكىردى عانا ەمەس، ٴبىراز ەلدەردىڭ، حالىقارالىق ۇيىمدار­دىڭ ىس-ارەكەتتەرىن دە ەكىگە بولگەنى بەلگىلى. العاشىندا وتكەن عاسىر­دىڭ 90-شى جىل­دا­رى­نىڭ با­سىندا، سەر­بيا ٴوزىنىڭ كوسوۆو ول­­كەسى دەپ اتالاتىن، نە­گىزىنەن البان ٴنا­سىل­دى حالىق تۇرا­تىن ايماعىن «نا­­سىل­دىك تا­­­زا­لاۋ­عا» كوشتى. تا­­زا­لا­عان­دا، ونداعى ال­­­بانداردى ىعىس­تى­رۋ عانا ەمەس، قار­سىلىق بىل­دىر­گەن­دە­رىن جاپپاي قىرىپ-جويۋ شا­را­لارىن جۇرگىزدى. بۇل گەنوسيدتىك ارە­­كەتتى الەم جۇرتشىلىعى ايىپ­­تا­دى. ەۋروپانىڭ جەتەكشى ەلدەرىنەن قۇ­رالعان «بايلانىس توبى» سەر­بيا­مەن كەلىسسوز جۇرگىزىپ، مۇن­داي قا­تى­­گ­ەز شارانى توقتاتۋ­دى تالاپ ەتتى. ٴبى­راق، بەلگراد بۇل تالاپقا ۇزاق ۋا­قىت قۇلاق اسپادى. سوندا ناتو كۇش­­تەرى سەربيانىڭ استانا­سى­نا اۋە­­دەن سوق­قى بەرۋگە ٴماجبۇر بولدى. بىرەۋلەر ناتو-نىڭ باسقىن­شى­لىعى دەپ اتالاتىن سوعىس سولاي باستالعان. سول سوعىس سەرب­تەر­­دىڭ قانقۇيلى ارەكەتتەرىن توق­تاتىپ، اقىر سوڭىندا كوسوۆو ولكەسىنىڭ تاۋەلسىزدىك الىپ، جەكە مەملەكەتكە اينالۋىنا جول اشتى. بۇل وقيعاعا باعا دا بۇگىنگە دەيىن ٴارتۇرلى. كوسوۆو 1999 جىلدان سەربيا­عا باعىنۋدان باس تارتسا، 2008 جى­لى ٴوزىنىڭ تاۋەلسىزدىگىن جاريا­لادى. ونى بۇۇ-عا مۇشە 192 ەل­دىڭ ٴ75-ى تاۋەلسىز ەل دەپ تانىسا، 69 ەل رەسمي تۇردە قارسىلىعىن ٴبىلدىردى. باسقا­لارى – بەيتاراپ پىكىردە. ماسكەۋ كوسوۆونى تانىساڭدار، باسقالاردى دا (پريدنەستروۆە، ابحازيا، وڭ­تۇس­تىك وسەتيا) تانىڭدار دەيدى. سەربيا مەن كوسوۆونىڭ ارا­سىن­دا بايلانىس جوق. بولعانى ٴجون-اق. تاعدىرلاس ەلدەر. ول ەكى جاققا دا ٴتيىمدى. ەڭ باستىسى – ٴبىراز ۋاقىتقا سوزىلعان شيەلەنىستى شەشۋدى ۋاقىت تالاپ ەتىپ وتىر. ەكى ەل اراسىنداعى كەلىسسوز سونىڭ باسى بولعاي دەپ تىلەيدى جۇرت. ماماديار جاقىپ. http://www.egemen.kz/29320.html

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي