قوڭىز تەرگەن ميللياردەر - الەم|03 اقپان 2011، 17:19
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوڭىز تەرگەن ميللياردەر

«forbes» جۋرنالى الەمگە تانىمال ميللياردەرلەردىڭ تاڭعالارلىق حوببيلەرى بارىن العا تارتادى. ولاردىڭ كەيبىرەۋلەرىن قىمبات كولىك تە، قايىق تا، جىلقىمەن سەرۋەندەۋ دە قىزىقتىرمايدى ەكەن.
ماسەلەن، امەريكانىڭ اتاقتى ميللياردەرلەر كلانى روكفەللەرلەردىڭ ٴبىر وكىلى دەۆيد روكفەللەر قوڭىز تەرۋدى جاقسى كورگەن. قايدا جۇرسە دە، قايدا ساپارلاپ شىقسا دا جانىندا قوڭىز سالاتىن كىشكەنە كونتەينەرى جۇرەدى. ونىڭ بۇل ەرمەگىنە شىنداپ كىرىسكەنى سونداي، بۇرىن بەلگىسىز ٴبىر جاندىكتى اشقان. سول ٴۇشىن قاناتى قاتتى قوڭىزعا روكفەللەر اتى بەرىلىپتى. ميللياردەر قوڭىز كوللەكسياسىن گارۆارد ۋنيۆەرسيتەتىنىڭ زوولوگيالىق مۇراجايىنا بەرۋ تۋرالى وسيەت جازعان كورىنەدى. ال bank of america بانكى اكسيونەرلىك پاكەتىنىڭ كوپ بولىگىنە يە كلەمم دايكسون سپەنگلەر ەسكى ساعاتتاردى جوندەمەسە وتىرا المايدى. بۇدان 45 جىل بۇرىن ەرمەگىنە اينالعان ٴىستى ول ەش تاستامايدى. ۇيىندە جوندەيتىن بۇزىلعان ساعات قالماعاندىقتان، ٴوزىن قاناعاتتاندىرۋ ٴۇشىن ميللياردەر ارنايى ساعات جوندەيتىن شەبەرحانا اشقان. ميللياردەر گوردون گەتتي مۇناي بيزنەسىن تاستاپ، وپەرامەن اينالىسۋدى ٴجون كورگەن. ٴسويتىپ، وزىنشە شىعارمالار جازا باستايدى. ونىڭ بەلگىلى شىعارماسى شەكسپير پەرسوناجىنىڭ اتىمەن «فالستاف» دەپ اتالادى. ميللياردەر رەسەي ۇلتتىق وركەستىرىنىڭ كومەگىمەن ماسكەۋدە ٴوز وپەراسىن قويىپتى. تۇرىك cايتىنان ازىرلەگەن اباي اسانكەلدى ۇلى http://nurastana.kz/؟p=10587

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي