BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيادا 26 مىڭ ادام شۇعىل تۇردە ٴقاۋىپسىز جەرگە كوشىرىلدى

گەرمانيانىڭ باتىسىندا ورنالاسقان پادەربورن قالاسىنداعى 26 مىڭنان استام تۇرعىن ٴقاۋىپسىز جەرگە كوشىرىلدى. شاھاردا ەكىنشى دۇنيەجۇزىلىك سوعىس كەزىندە تاستالعان بومبا تابىلعان دەپ حابارلايدى baq.kz اقپارات اگەنتتىگى «ريا نوۆوستي» سايتىنا سىلتەمە جاساپ.

1،8 توننانى قۇرايتىن بريتانيالىق بومبا قالاداعى بالاباقشانىڭ بىرىنەن وسىدان ٴبىر اپتا بۇرىن تابىلىپتى. بومبا تەرەڭدىگى 80 سم بولاتىن جەردە تابىلعان. سوندىقتان ونىڭ كەنەتتەن ىسكە قوسىلۋى جويقىن جارىلىسقا اكەلۋى مۇمكىن. سوندىقتان بيلىك وكىلدەرى بومبا تابىلعان ورىننان راديۋسى 1،5 شاقىرىم اۋماقتاعى ادامدار ەۆاكۋاسيالاعان. ونىڭ ىشىندە ەكى اۋرۋحانا، بىرنەشە قارتتار ۇيىندەگى ازاماتتار مەن ۋنيۆەرسيتتە ٴبىلىم الاتىن وقىتۋشىلار مەن ستۋدەنتتەر بار.

قازىرگى تاڭدا ماماندار بومبانى زالالسىزداندىرىپ جاتىر.

سونىمەن قاتار قالانىڭ تاريحي ورتالىعىنداعى بىرنەشە اۋداننىڭ تۇرعىندارى ۇيلەرىن تاستاپ كەتۋگە ٴماجبۇر بولعان.

ٴقاۋىپسىز جەرگە ورنالىستىرىلعان ازاماتتار ۋاقىتشا باسپانامەن قامتاماسىز ەتىلگەن.

پوليسيا، ٴورت سوندىرۋشىلەر، جەدەل قىزمەت كورسەتۋ ۇيىمدارىنىڭ قىزمەتكەرلەرى مەن 1 مىڭنان استام ەرىكتىلەر ادامداردى ٴقاۋىپتى اۋماقتان تولىعىمەن شىعارۋ ٴۇشىن جۇمىس ىستەۋدە.

ايتا كەتەيىك، جىل سايىن گەرمانيادا جارىلماعان 5،5 وق-دارىلەر زالالسىزداندىرىلادى.

ەكىنشى دۇنيەجۇزىلىك سوعىس ۋاقىتىندا گەرمانياعا 2 ملن-نان استام اۆيابومبا تاستالىپتى. ونىڭ 5%ٴ-ى، ياعني 100 مىڭنان استام بومبا جارىلماعان.

سوعىس كەزىندە بەرلين قالاسىنا 68 مىڭ توننا، گامبۋرگ قالاسىنا 45 مىڭ توننا جانە رۋر وبلىسىنا 162 مىڭ توننا بومبا تاستالىپتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي