BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيا تۇرمەلەرىندە يوگامەن اينالىسۋعا بولادى

نەمىستەر بۇل تۇرمەنى «5 جۇلدىزدى تەمىر تور» دەپ اتاپ كەتكەن. بەرليننەن وڭتۇستىككە قاراي 20 ميل جەردە ورنالاسقان حايدەرينگ تۇرمەسىندەگى تەمىر تورعا توعىتىلعانداردىڭ ٴومىر ٴسۇرۋ شارتتارى كوپتەگەن ازاماتتاردى تاڭ قالدىردى، دەپ حابارلايدى baq.kz اقپارات اگەنتتىگى cbsnews-كە سىلتەمە جاساپ.

تۇرمەنىڭ اينالاسى قالىڭ قابىرعا، سىممەن ەمەس، ٴساندى تەمىر داربازامەن قورشالعان. دالىزدەرى جارىقپەن ساندەلىپ، قىلمىسكەرلەردىڭ سالعان سۋرەتتەرى ىلىنگەن. ەڭ قىزىعى، تۇرمەدە قىلمىسى ٴۇشىن وتىرعان ازاماتتار كادىمگى تۇرعىندارشا كيىنۋگە، يوگامەن اينالىسۋعا، وزگە دە ساباقتار الۋعا، وزدەرىنە تاماق جاساۋعا قۇقىلى.

حايدەرينگ تۇرمەسى گەرمانيا بوستاندىق فيلوسوفياسىن كورسەتۋ ٴۇشىن سالىنعان. تۇرمەگە تۇسكەندەر جەكە ومىرگە قۇقىلى جانە ولار تۇراتىن وبەكتىلەر ٴساندى ٴارى ىڭعايلى. بۇل جەردە سپورت عيماراتتارى دا بار، جۇگىرۋ جولى دا ارنايى وسى قىلمىسكەرلەر ٴۇشىن سالىنعان.

نەمىس تۇرمەلەرىندەگى ايەلدەر ٴرولى دە الەمنىڭ كەز كەلگەن ەلىمەن سالىستىرعاندا، جوعارى. ولار ٴمۇعالىم، كەڭەسشى، باقىلاۋشى رەتىندە ەرلەر تۇرمەسىندە جۇمىس ىستەيدى. ياعني، تۇرمەدەن شىققان ەر ادام قوعامعا قايتا بەيىمدەلۋدە قينالماۋى ٴۇشىن ماقساتتى تۇردە وسىنداي تۇرمەلەر اشىلعان. باستى ماقسات جازالاۋ ەمەس، تارتىپكە قايتا بەيىمدەۋ.

«قوعامنان شەتتەتىلىپ، تۇرمەگە جابىلۋدىڭ ٴوزى اۋىر قاسىرەت. ال ٴبىزدىڭ ماقسات - قىلمىسكەرلەردى جۇمىسقا، وتباسىنا، قوعامعا قايتا بەيىمدەپ، تاربيەلەۋ» - دەيدى تۇرمە قىزمەتكەرلەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي