اراب الەمىنىڭ كوشباسشى ەلى جولايرىقتا - الەم|04 اقپان 2011، 11:07
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اراب الەمىنىڭ كوشباسشى ەلى جولايرىقتا

ەگيپەت رەۆوليۋسيا وتىنا ورانعان. كاير كوشەسىنە 2 ميلليونداي حالىق شىعىپ، بيلىككە قارسىلىعىن بىلدىرسە، ول جايدان-جاي ەمەس. ٴتىپتى بۇرىنعى بيلىك قالسا دا، جاڭا بيلىك كەلسە دە، ەگيپەتتىڭ الداعى جولى باسقاشاراق بولارى انىق.
اراب الە­مىن­دەگى بۇگىنگى بۋ­ىر­قانۋ تۋنيستەن باستالدى دە­سەك تە، رەۆو­ليۋ­سيا­لىق جاع­داي ەگي­پەتتىڭ وزىندە قا­لىپ­تاسپاسا، وت تۇ­تانا قوي­ماس ەدى. حالىق قاتى­گەز بيلىكتەن قا­جىعان. اڭگىمە حۇسني مۇبا­راك­تىڭ ۇزاق بيلىگىندە عانا ەمەس، سول بيلىكتىڭ مازمۇنىندا. بيلىك­تىڭ حالىققا تىزەسىنىڭ بات­قا­نىندا. مۇنى ٴدال ٴقازىر پرەزيدەنت مۇباراكتىڭ ٴوزى دە اڭعارىپ وتىر. ٴبىراق كەش اڭعاردى. ول حالىققا ۇندەۋ ارناپ، ساياسي عانا ەمەس، ەكونوميكالىق تا رەفورما جا­سايتى­نىن مالىمدەدى. سونى ٴدال بۇگىن ەمەس، بۇرىن جاساۋىنا بولماس پا ەدى. ۋاقىتى دا جەتكىلىكتى بولدى – وتىز جىل از مەرزىم ەمەس، تىم ارتىق تا دەيدى جۇرت. اي­تالىق، سوڭعى ون جىلدا بالاسى گامالدى قالاي دا بيلىك مۇراگەرى ەتىپ قالدىرۋدى كوپ ويلاماي، ٴقازىر ايتىپ وتىرعان رەفورمالاردى جۇزەگە اسىرۋىنا بولار ەدى. ونىڭ قازىرگى ٴىسى سۋعا كەت­كەن­نىڭ تال قارماعانىنداي ارەكەت. وتىز جىل ۇمىت بولعان ۆيسە-پرەزيدەنتتىك لاۋازىمعا اسكەري بارلاۋدىڭ باستىعى ومار سۇلەي­ماندى تا­عايىنداپ، ۇكىمەتتى اۋىستىرۋى – ساسقاندىق. ٴتىپتى جاڭا ۇكىمەت ٴتور­اعاسى، بۇرىنعى اسكەري-اۋە كۇش­تەرىنىڭ باسشىسى احمەد شافيكتەن جۇمىس­سىز­دىقتى ازايتىپ، ەكونومي­كانى تۇ­راقتاندىرۋدى تالاپ ەتۋى – ۇزاق ۋا­قىت ەل باسقارعان ادام­نىڭ سوزىنە ۇقسامايدى. بۇل جەدەل شەشىلە سالاتىن، قالتادان اقشا الىپ بەرە سالاتىنداي وڭاي شارۋا ەمەس، ٴبىرازعا سوزى­لاتىن باع­دار­لا­مالى جۇمىستىڭ ناتي­جەسى رەتىندە كەلەدى. حۇسني مۇباراكتىڭ تاعى قاتتى شايقالىپ تۇر. ونىڭ وندا قالۋى ەكىتالاي. ٴتىپتى بيىلعى كۇزدە بولاتىن پرەزيدەنت سايلا­ۋىنا قاتىسپايمىن، ٴبىراق سوعان دەيىن بيلىكتىڭ تىزگىنىن بەرمەيمىن دەگەنى دە ورىندالۋى نەعايبىل. وپپوزيسيا ونىڭ ٴدال بۇگىن كەتۋىن تالاپ ەتىپ وتىر. وپپوزيسيا ٴقا­­زىر بۇل ەلدە ايتارلىقتاي كۇش­كە اينالدى. استە دە بۇل ولاردىڭ كۇش­تى­لى­گىنەن نەمەسە حا­لىق اراسىنداعى بەدەلىنىڭ جوعارىلىعىنان ەمەس، قالىپ­تاس­قان جاعداي ولارعا زور مۇمكىندىك اشىپ وتىر. حالىقتىڭ بيلىككە نا­رازىلىعىن ولار ٴوز مۇددە­لەرىنە ٴتيىمدى پايدالانىپ قال­عىسى كەلەدى. ايتپەسە، قازىرگى كۇندە وپپوزيسيا كوسەمدەرىنىڭ ىشىندە ەڭ بەدەلدىسى سانالاتىن بۇرىنعى حالىقارالىق اتوم ەنەرگياسى جونىندەگى اگەنتتىكتىڭ (ماگاتە) ديرەكتورى موحاممەد ال-بارادەيدىڭ ەل ىشىندەگى بيلىككە ارالاسى دا شامالى بولاتىن. مىنە، ەندى ەلدە قازىرگىدەي جاع­داي قالىپتاسقان كەزدە ول بيلىك تىزگىنىن ۇستاۋعا بەلسەندى كىرىسىپ وتىر. اراب دۇنيەسىندەگى كوشباس­شى ەل ەگيپەتتەگى كۇردەلى جاع­داي الداعى ۋاقىتتا قانداي باعىتتا ٴوربيتىنىن ٴدوپ باسىپ ايتۋ دا قيىن. ەڭ ٴبىر باستى قاسىرەت – كوپ جاعدايداعىداي تارتىس حالىق پەن بيلىكتىڭ اراسىندا عا­نا ەمەس، حالىقتىڭ ٴوزى ەكىگە جارىلىپ، ٴبىرى پرەزيدەنت مۇبا­راكتى قولداۋ­شى­لار جانە ەكىنشىلەرى وعان قار­سىلار بولىپ شايقاسقا شى­عىپ وتىر. مۇن­دايدا ولارعا ىن­تىماققا شا­قىرىپ، ىقپال ەتۋ اسا كۇردەلى. قارسىلاستار ارا­سىندا شەكارا جوق، ولار ارالا­سىپ ٴومىر ٴسۇرىپ جاتىر. مۇندايدا قار­سىلاستار (جاۋ دەمەيىك) الىس­تان ەمەس، قاسىڭنان تابىلادى. وسىندايدا ەلدىڭ مۇددەسىنەن گورى وزدەرىنىڭ بيلىككە جەتۋىن كوز­دەپ، حالىقتى قاقتىعىسقا شا­قى­راتىن ارانداتۋشىلار بەلسەندىلىگى كۇشەيەتىنى بەلگىلى. ەگيپەت قاۋى­مىندا ٴقازىر كۇنى كەشە تى­يىم سا­لىنعان ەكسترەميستىك كۇش­تەر وزدە­رىنىڭ بۇلدىرۋشىلىك قىزمەتىن جان­داندىرا ٴتۇستى. جۇرت بۇگىندە مى­سىر ەلىنە كۇدىكپەن دە، ۇمىتپەن دە قارايدى. ماماديار جاقىپ. http://www.egemen.kz/27111.html

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي