BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اك-159/21 مەكەمەسىندە پوليسيا كۇنى اتالىپ ٴوتتى

حالقىمىزدىڭ ٴومىرى مەن تىنىشتىعىن تۇراقتى ساقتاپ وتىرعان، ۇلان-بايتاق قازاق جەرىنىڭ اماناتىن ارقالايتىن ازاماتتاردىڭ، ياعني پوليسيا قىزمەتكەرلەرىنىڭ ەڭبەگى ەرەن. پوليسيا قىزمەتى قوعامنىڭ وركەندەۋىمەن بىرگە قاتارلاسىپ كەلەدى، ٴبىراق قانشا ۋاقىت وتسە دە، ونىڭ ماقساتى وزگەرمەك ەمەس، ول – ادام قۇقىعىن قورعاۋ جانە حالىققا قىزمەت ەتۋ. 

23 ماۋسىم كۇنى اك-159/21 مەكەمەسىندە ەلىمىزدىڭ ازاماتتارىنىڭ قۇقىقتارى مەن قاۋىپسىزدىگىن قورعايتىن تۇلعالاردىڭ كاسىبي مەرەكەسى تويلاندى. سالتاناتتى كەش مەرت بولعان پوليسيا قىزمەتكەرلەرىنىڭ ەرلىكتەرى مەن ورلىكتەرىنىڭ قۇرمەتىنە ارنالعان ٴبىر مينۋت ۇنسىزدىكتەن باستالدى. كەش باسىندا قۇتتىقتاۋ ٴسوز قاراعاندى وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باقىلاۋ جانە قورعاۋ ٴتارتىبى ٴبولىمى باستىعىنىڭ ورىنباسارى، ادىلەت پودپولكوۆنيگى مەيرام زياد ۇلى ىدىرىسوۆقا بەرىلدى. ىزگى تىلەكتى قر ٴىىم قاجك اك-159/21 مەكەمەسىنىڭ باستىعى، ادىلەت پودپولكوۆنيگى سەرىك ەسمۇحان ۇلى قاسىموۆ جالعاستىردى. ٴوز سوزدەرىندە باسشىلار پوليسيا قىزمەتى اسقان شىدامدىلىق پەن ەرجۇرەكتىلىكتى تالاپ ەتەتىنىن اتاپ ٴوتىپ، قىزمەتكەرلەرگە مەزگىلسىز قوڭىراۋ سوعۋلاردىڭ از بولۋىن جانە تىنىش اۋىسىمداردىڭ كوپ بولۋىن تىلەدى. وسى مەرەيلى كۇنى ٴىى دارەجەلى «قالتقىسىز قىزمەتى ٴۇشىن» مەدالىمەن مەكەمە باستىعى، ادىلەت پودپولكوۆنيگى سەرىك قاسىموۆ پەن ٴبولىم باستىعى، ادىلەت مايورى انار قاليقىزى الپىسبايەۆا جانە ٴىىى دارەجەلى «قالتقىسىز قىزمەتى ٴۇشىن» مەدالىمەن مەكەمە قىزمەتكەرلەرى ادىلەت كاپيتاندارى س.قوناقبايەۆ، ج.مۇحانوۆ، ن.وماروۆتار ماراپاتتالدى. ٴوز قىزمەتتەرىندە جوعارى جاۋاپكەرشىلىك تانىتىپ، ادال ەڭبەك ەتكەندەرى ٴۇشىن دە ٴبىرشاما پوليسيا قىزمەتكەرلەرى العىس حاتتار مەن قۇرمەت گراموتالارىنا يە بولدى. وسىعان وراي جۇرەك جاردى لەبىزدەرىن باستىقتىڭ تاربيە ٴىسى جونىندەگى ورىنباسارى، ادىلەت پودپولكوۆنيگى ن.ا.تۇياقوۆ پەن كەشكى مەكتەپ ديرەكتورى م.ز.بيجانبەك تە ٴبىلدىردى. كەش سوڭى شاشۋباي كەنتىنىڭ كوركەمونەرپازدارى ۇيىمداستىرعان مەرەكەلىك كونسەرتكە ۇلاستى.

 


ٴاليا سۇلەيمەنوۆا،
اك-159/21 مەكەمەسىنىڭ
كەڭسە ينسپەكتورى
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي