BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىلىنا 250 توننا قوزى ەتىن وندىرەتىن كەشەن جۇمىسىن باستادى - ق.كوشەربايەۆ

قىزىلوردا وبلىسى جاڭاقورعان اۋدانىندا قر پرەمەر-مينيسترىنىڭ ورىنباسارى – قر اۋىل شارۋاشىلىعى ٴمينيسترى اسقار مىرزاحمەتوۆ، قىزىلوردا وبلىسىنىڭ اكىمى قىرىمبەك كوشەربايەۆ، «قازاگرو» ۇلتتىق باسقارۋشى حولدينگىنىڭ جانە اقتوبە، وڭتۇستىك قازاقستان، جامبىل، قاراعاندى، باتىس قازاقستان وبلىستارىنىڭ وكىلدەرىنىڭ قاتىسۋىمەن ٴىىى وبلىستىق مالشىلار سلەتى ٴوتتى، دەپ حابارلايدى baq.kz ٴتىلشىسى.

شارا قاراتاۋ ەتەگىندەگى «ۇسەن باۋى» تاۋ شاتقالىندا ٴوتتى. سلەت بارىسىندا جەرگىلىكتى اۋىل شارۋاشىلىعى ٴونىمىن وندىرۋشىلەردىڭ كورمەسى ۇيىمداستىرىلدى.

- ٴقازىر يران، قىتاي، ەۋروپا، رەسەي ەلدەرى قازاقستاندا وندىرىلەتىن تابيعي ونىمدەرگە ۇلكەن قىزىعۋشىلىق تانىتىپ، اگروسەكتورعا ينۆەستيسيا سالۋعا، وندىرىلگەن اۋىلشارۋاشىلىق ونىمدەردى ساتىپ الۋعا دايىن ەكەندىگىن ٴبىلدىرىپ وتىر. وسىعان سايكەس بيىلعى جىلدىڭ وزىندە وبلىس اۋماعىنان 100 توننا ٴمۇيىزدى ٴىرى قارا ەتىن جانە 25 توننا قوي ەتىن ەكسپورتقا شىعارۋدى جوسپارلاپ وتىرمىز. بۇگىندە يران رەسپۋبليكاسىنا قويدى تىرىدەي ەكسپورتتاۋعا قىزىعۋشىلىق بىلدىرگەن بىرنەشە يراندىق كومپانيالاردىڭ باسشىلارى ٴبىزدىڭ شاقىرۋىمىزبەن وبلىستا بولىپ، مال جانە ەت ساتىپ الۋ جونىندە كەلىسسوزدەر جۇرگىزىپ جاتىر. وسى باعىتتا «سىر مارجانى» جانە «شاعان جەر» جاۋاپكەرشىلىكتەرى شەكتەۋلى سەرىكتەستەرىنىڭ 6000 باسقا ارنالعان جاڭا زاماناۋي مال بورداقىلاۋ الاڭدارى ەكسپورتقا شىعاراتىن ٴىرى قارا ەتىن وندىرەتىن بولادى. سونىمەن قاتار سىرداريا اۋدانىندا «اباي-داۋلەت» سەرىكتەستىگى 10 مىڭ باس قوي بورداقىلاۋ الاڭى مەن جىلىنا 250 توننا قوزى ەتىن وندىرەتىن كەشەننىڭ قۇرىلىسىن اياقتاپ، جۇمىسىن باستادى،- دەدى وبلىس اكىمى قىرىمبەك كوشەربايەۆ.

ايماق باسشىسى جانە قر پرەمەر-مينيسترىنىڭ ورىنباسارى – قر اۋىل شارۋاشىلىعى ٴمينيسترى اسقار مىرزاحمەتوۆ، رەسپۋبليكالىق اۋىلشارۋاشىلىق قىزمەتكەرلەرىنىڭ سالالىق كاسىپتىك وداعىنىڭ ٴتوراعاسى ابۋباكىر سۇلەيمەنوۆ سلەتكە قاتىسۋشىلاردى قۇتتىقتاپ، اۋىل شارۋاشىلىعى سالاسىنىڭ ەڭبەككەرلەرىن مەدالدارمەن، قر اۋىل شارۋاشىلىعى مينيسترلىگىنىڭ قۇرمەت گراموتاسىمەن جانە وبلىس اكىمىنىڭ العىس حاتىمەن ماراپاتتادى. ارنايى قۇتتىقتاۋ مەن باعالى سىيلىقتارعا ايماقتاعى 30 وزات مالشى يە بولدى.

شارا سوڭى كونسەرتتىك باعدارلاما، ۇلتتىق سپورتتىق ويىندار جانە جالپىحالىقتىق سەرۋەنگە ۇلاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي