BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلىتاۋ جاستارى سىبايلاس جەمقورلىققا قارسى جيىندا باس قوستى

استانا، baq.kz. « ۇلىتاۋ» قورىق-مۇراجاي ديرەكتورى باقتيار قوجاحمەتوۆ جاس بۋىن وكىلدەرىمەن كەزدەسىپ، سىبايلاس جەمقورلىققا قارسى پىكىر الماستى.

2014 جىلى ەلىمىزدە «قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى» قابىلدانعان بولاتىن. « ۇلىتاۋ» قورىق-مۇراجايى وسى ستراتەگيا قابىلدانعاننان بەرى ۇلىتاۋ اۋىلىندا ەلدەگى سىبايلاس جەمقورلىققا قارسى كۇرەس - بۇكىل قوعامنىڭ ٴىسى ەكەنىن ٴتۇسىندىرۋ جۇمىستارىن تۇراقتى تۇردە جۇرگىزىپ كەلەدى.

«قورىق-مۇراجاي - ۇلتتىڭ باي ٴارى سان الۋان رۋحاني مۇراسىنىڭ ساقتاۋشىسى ٴارى قورعاۋشىسى. ال، وسى رۋحاني مۇراعا حالىق تاربيەسى، ونىڭ ىشىندە بابالار اماناتتاعان ادال ەڭبەك تە كىرەدى. ادالدىق بۇگىنگى ۇرپاقتىڭ دا تەمىرقازىعى بولۋى ٴتيىس. سىبايلاس جەمقورلىققا قارسى ستاندارتتار ساناعا جاس كۇننەن سىڭىرىلگەندە عانا وعان توزبەۋشىلىك ٴاربىر قازاقستاندىق جاستىڭ ومىرلىك ۇستانىمىنا اينالادى»، - دەدى جاستارمەن بولعان كەزدەسۋدە قورىق-مۇراجاي ديرەكتورى باقتيار قوجاحمەتوۆ.

2019 جىل پرەزيدەنت جارلىعى بويىنشا ەلىمىزدە جاستار جىلى دەپ جاريالانعان. سوندىقتان، كەلەر جىلى دا قورىق-مۇراجاي قىزمەتكەرلەرى وسكەلەڭ ۇرپاق بويىندا سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى كەڭ اۋقىمدى ٴتۇسىندىرۋ جۇمىستارىن ٴارى قاراي جالعاستىرماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي