100 جاڭا ەسىم: رابيعا سىزدىقوۆادان بالنۇر وركەنوۆاعا دەيىن - 100 جاڭا ەسىم|02 قازان 2017، 10:17
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

100 جاڭا ەسىم: رابيعا سىزدىقوۆادان بالنۇر وركەنوۆاعا دەيىن

قازاق «جۇزدەن جۇيرىك، مىڭنان تۇلپار» دەيدى. ال 18 ميلليوننان كىم بولۋى كەرەك؟ ارينە «100 جاڭا ەسىم» بولۋى كەرەك. ەلباسى تاپسىرماسىمەن، تاۋەلسىز قازاقستاننىڭ دامۋىنا، رۋحانياتىنا، سپورتىنا، ساياساتىنا، ەكونوميكاسىنا جالپى بارلىق سالاسىنا ٴوز ۇلەسىن قوسىپ، بۇگىنگى زاماننىڭ باتىرى اتانعان ناعىز تۇلعالاردى انىقتاۋ قولعا الىنعان بولاتىن. 6 ايدان استام ۋاقىت جۇرگىزىلگەن ۇمىتكەر قابىلداۋ ناۋقانى اياقتالدى.

ميلليوننان «100 جاڭانىڭ» قاتارىنا قوسىلۋعا 2212 ۇمىتكەر تىركەلگەن ەكەن. بۇل وسى جوبا ٴۇشىن ارنايى قۇرىلعان 100esim.el.kz سايتى جۇمىس ىستەدى. ەندەشە ٴبىز وسى سايتقا كىمدەردىڭ تىركەلگەنىن، قازاقستاننىڭ جاڭا ٴداۋىرىن ٴوز قولدارىمەن ورناتۋعا تالپىنعان تاۋەلسىز ەدىڭ، بەيبىت كۇننىڭ باتىرلارىنىڭ قاتارىندا كىمدەر بارىن باعامداپ كورەيىك.

ماعجان ساعىمبايەۆ – قازاقستاننان شىققان تۇڭعىش جيھانكەز. ونىڭ ەرەكشەلىگى ۆەلوسيپەدپەن الەمدى شارلاپ شىعۋعا بەل بۋعاندىعى. بۇگىنگە دەيىن ماعجان الەمنىڭ 22 مەملەكەتىنە بارىپ ۇلگەردى. 29 جاستاعى جيھانكەز العاشقى ساپارىن 4 جاسىندا باستاعان. ول 380 كۇندە 28 مىڭ شاقىرىمنان استام جول جۇرگەن.

يسلامبەك سالجانوۆ - قازاقستاندىق كاسىپكەر، مەسەنات جانە قوعام قايراتكەرى. «التىن قىران» كومپانيالار توبىنىڭ باس ديرەكتورى جانە «altyn kyran» حالىقارالىق قايىرىمدىلىق قورىنىڭ پرەزيدەنتى.

كارىپبەك كۇيىكوۆ - كارىپبەك كۇيىكوۆتىڭ يادرولىق قارۋعا توزۋگە بولمايتىنىن قازاقستانعا عانا ەمەس، بۇكىل الەمگە دالەلدەپ جۇرگەن قايسارلىعى كوپشىلىككە بەلگىلى. ونىڭ تىسىمەن نەمەسە اياقتارىنىڭ باشپايىنىڭ كومەگىمەن سالعان سۋرەتتەرى پوليگوننىڭ قاسىرەتىن كوز الدىڭا اكەلەدى. ونىڭ تۋىندىلارى تۇركيادا، جاپونيادا، اقش-تا، گەرمانيادا، تاعى دا باسقا شەت مەملەكەتتەردىڭ كورمەسىنە قويىلدى. ال سۋرەتشىنىڭ «جارىلىس» اتتى تۋىندىسىن ەلباسى اقش پرەزيدەنتى باراك وباماعا تابىستاعان ەدى.

ۆيكتور فەدوروۆيچ زايبەرت – تاريحشى، بوتاي قورىمىن، الەمدە العاش رەت جىلقىنى قازاق دالاسىندا قولعا ۇيرەتىلگەنىن انىقتاعان عالىمداردىڭ ٴبىرى. قازاقستان رەسپۋبليكاسى الەۋمەتتىك عىلىمي اكادەمياسىنىڭ كوررەسپودەنتتىك مۇشەسى. 1969–76 جىلى سولتۇستىك قازاقستان وبلىسى ايماقتىق مۇراجايدا ارحەولوگيا ٴبولىمىنىڭ عىلىمي قىزمەتكەرى، مەڭگەرۋشىسى، 1976–77 جىلى پەتروپاۆل پەدوگوكيكالىق ينستيتۋتىندا وقىتۋشى، 1977–79 جىلى كسرو عىلىم اكادەمياسىنىڭ ارحەول. ينستيتۋتىندا (ماسكەۋ) اسپيرانت، 1980 جىلى سولتۇستىك قازاقستان مەملەكەتتىك ۋنيۆەرسيتەتتىندە اعا وقىتۋشى، كافەدرا مەڭگەرۋشىسى، عىلىمي جۇمىستار جانە شەت ەلدەرمەن بايلانىس جونىندە پرورەكتورى قىزمەتتەرىن اتقاردى. ٴزاۋىتىڭ 90-عا جۋىق عىلىمي ماقالاسى، 4 مونوگرافياسى جارىق كورگەن.

نارىبەكوۆ داۋرەنباي – مۇمكىندىگى شەكتەۋلى سپورتشى. 1986 جىلى دۇنيەگە كەلگەن سپورتشى بۇگىنگى تاڭدا قولارباعا تاڭىلعان. دەگەنمەن ول تاعدىردىڭ بۇل سىناعىنا مويىماي، وبلىستىق، رەسپۋبليكالىق، حالىقارالىق، الەمدىك دودالاردا ٴوز باعىن سىناپ ٴجۇر. بىرىككەن اراب امىرلىكتەرى، دۋباي قالاسىندا گران - پري تۋرنيرىنىڭ قولا جۇلدەگەرى (2014)، وڭتۇستىك كورەيا، ينچحون قالاسىندا وتكەن ازيا ويىندارىنىڭ قاتىسۋشىسى (2014)، بىرىككەن اراب امىرلىكتەرى، دۋباي قالاسىندا گران - پري تۋرنيرىنىڭ التىن مەدال جۇلدەگەرى (2015).

باتىرحان داۋرەنبەكوۆ - كوپتەگەن انيماسيالىق جانە كوركەم، دەرەكتى فيلمدەردىڭ رەجيسسەرى. «قازاقستان انيماتورلارىنىڭ اسسوسياسى» قوعامدىق ۇيىمنىڭ ٴتوراعاسى، «قازاقستان رەسپۋبليكاسى مادەنيەت جانە سپورت مينيستىرلىگىنىڭ»، جانىنا قۇرىلعان كينوماماندارىنىڭ كوركەمدىك كەڭەستىڭ مۇشەسى. ونىڭ ىشىندە، «قازاق ەلى»، «قاناتتى بارىس» جانە «ساپا وليمپياداسى»، «قازاقستان برەندى»، انيماسيالىق فيلمدەرى ٴۇشىن 2008 جىلى «ەڭ ۇزدىك رەجيسسەر-انيماتور» ديپلومىمەن ماراپاتتالعان.

بالنۇر وركەنوۆانەبارى 10 جاستا بولسا دا تالاي حالىقارالىق جارىستاردا توپ جارعان تاەكۆوندوشى. بالنۇر پاۆلودار قالاسىنداعى كالەن سۇلتانعازين باسقاراتىن «قاھارمان» تاەكۆوندو كلۋبىنىڭ بەلدى مۇشەسى. ەكى جىل بۇرىن باستاعان بۇل سپورت تۇرىنەن ەكى دۇركىن قازاقستان چەمپيونى، ەكى رەت حالىقارالىق «بوەس ازيي» ٴتۋرنيرىنىڭ التىن مەدالىن جەڭىپ العان. «كۋبوك سەۆەرا» حالىقارالىق ٴتۋرنيرىنىڭ ەكى دۇركىن چەمپيونى.

ٴرابيعا سىزدىقوۆا – 1924 جىلى اقتوبە وبلىسىنىڭ ويىل اۋدانىندا دۇنيەگە كەلگەن. فيلولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، قازاقستان رەسپۋبليكاسىنىڭ ەڭبەك سىڭىرگەن عىلىم قايراتكەرى.

اكەسى ٴساتىعالي قۇتقوجين توڭكەرىسكە دەيىن ورىسشا وقىعان،كوزى اشىق ادام بولعان. بالالارىن قازاق مەكتەپتەرىندە وقىتقان. پوچتا باستىعى بولىپ تۇرعانىندا 1937جىلى دۇربەلەڭدە ۇستالىپ كەتىپ، قايتا ورالماعان. اناسى جەمىس پەن اكەسىنىڭ ەركىنعالي دەگەن تەتە ٴىنىسى بار. ٴرابيعانىڭ ٴتول ٴتىلىمىزدىڭ قامقورى بولۋىنا وسى ەكى ادامنىڭ شاراپاتى ٴتيىپتى. «حالىق جاۋىنىڭ» بالا-شاعاسى سان زوبالاندى باستارىنان كەشسە دە، ومىرگە دەگەن قۇشتارلىقتارىن جوعالتقان جوق.

100 جاڭا ەسىمگە 2212 ادام تىركەلگەن. دەگەنمەن قازاققا ماقتان بولعان، تاۋەلسىزدىك جىلدارى سپورتتان، ونەردەن، ەكونوميكادان، ساياساتتان، الەۋمەتتىك سالالاردان، ونەرتابىستان قازاقستاننىڭ اتىن الەمگە تانىتقان جانداردى بۇل قاتاردان كورە المادىق.

ٴيا، ايبەك نۇعماروۆ، بەكارىس شويبەك، ٴمۇسىلىم امزە، سابىر اداي، اڭساعان مۇستافا، الماس الماتوۆ، ت.ب. قاتارلى سپورتتان، ونەردەن ەلىمىزگە تانىمال تۇلعالار بار.

10 جاسار بالنۇردان باستاپ، عاسىرعا جۋىق عۇمىر كەشكەن ٴرابيعا انامىز كىرگەن تىزىمدە ەل ماقتانىشىنا اينالعان دارىن يەلەرى ەندى ٴوز باقتارىن سىناپ، ۇزدىك جۇزدىكتىڭ قاتارىنان كورىنۋ ٴۇشىن سىنعا تۇسەدى.

100esim.el.kz سايتىنا تىركەلگەن ۇمىتكەرلەردى وزىمىزشە ساراپتاپ كورگەن ەدىك. نەگىزگى كوش باستاپ تۇرعان ٴوڭىر – وقو، ال سالا بويىنشا الەۋمەتتىك سالادان تىركەلگەن ۇمىتكەرلەر سانى باسقالاردان باسىم ەكەنىن بايقاۋعا بولادى. سونىمەن قاتار، ەشكىمدى ۇلتىنا، ناسىلىنە ٴبولىپ وتىرعانىمىز جوق، دەگەنمەن، 100 ەسىمگە ەسىمىن ۇسىنعان وزگە ۇلت وكىلدەرىنىڭ كوپتىگى قۋانتتى. بۇل – وزدەرىن وسى قازاق ەلىنىڭ پاتريوتى، قازاق ەلىنىڭ دامۋىنا، بولاشاعىنا ەڭبەك سىڭىرگەنىن ماقتان تۇتار وتانداستارىمىزدىڭ كوپتىگىن تانىتادى.

قازان ايىنان باستاپ ٴبىر اي بويى ونلاين داۋىس بەرۋ باستالادى. مينيسترلىك بۇل جوباعا قاتىسۋشىلارعا ارناپ، ارنايى دەرەكتى فيلم ٴتۇسىرىپ جاتقاندىعىن دا ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي