BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Исекешев Жолдауға байланысты шұғыл кеңес өткізді

Фото: интернеттен

Астана, BAQ.KZ. 18 қазанда ҚР Президенті Әкімшілігінің басшысы Әсет Исекешев Мемлекет басшысының Қазақстан халқына жолдауында берген тапсырмаларының орындалу барысы туралы шұғыл кеңес өткізді.

Кеңеске Президент Әкімшілігің басшылық құрамы, Ұлттық банк төрағасы Данияр Ақышев, Премьер-министрдің орынбасары Ерболат Досаев, Премьер-министр канцеляриясының басшысы Н. Алдабергенов, Ұлттық экономика министрі Тимур Сүлейменов және т.б. тұлғалар қатысты.

Қатысушылар Мемлекет басшысының Жолдауын іске асыру бойынша іс-шаралар жалпыұлттық жоспарының негізгі бағыттарына қарай жұмыстың алгоритмі мен механизмдерін талқылады.

Президент Әкімшілігінің басшысы жоспарланған шаралар бойынша тиімді іске асыру және нақты нәтижелерге қол жеткізу үшін мүдделі мемлекеттік органдардың жұмысын үйлестіруді тапсырды.

Әсет Исекешев Ұлттық жаңғыру комитетінің негізгі тапсырмалары мен функцияларына тоқталды. Бұл ведомство Мемлекет басшысының арнайы тапсырмасымен елдегі негізгі стратегиялық құжаттарға кешенді мониторинг жүргізеді және іске асыруды бағалайды.

Кеңес қорытындысы бойынша қатысушыларға барлық деңгейде жүйелі бақылау, сонымен қатар Жолдаудағы әлеуметтік маңызы жоғары бірінші кезекші тұрған шараларды іске асыру тапсырылды.

ҚР Президенті Нұрсұлтан Назарбаев 5 қазанда Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» жолдауын оқыды.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер