BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Енді атыраулықтар мемлекетік мекемелерге онлайн хабарласа алады

Жаңа қосымша арқылы қала тұрғындары мемлекеттік мекемелерге әртүрлі мәселе бойынша онлайн тәртібінде тікелей хабарласа алады, деп хабарлайды Baq.kz ақпарат агенттігі Атырау облыстық өңірлік коммуникациялар қызметіне сілтеме жасап.

Мобилді қосымшаны бүгіннен бастап жүктеп алуға болады, ол үшін App Store немесе Play Market іздеу жолына ACQ Атырау деп жазса жеткілікті. Қосымша құрылымы 6 негізгі бөлімнен тұрады. Олар жұмысқа орналасу, қоғамдық бақылау, ТКШ, қоғамдық көлік, білім, сұрақ қою секілді маңызды мәселелер мен салаларға арналған.

Әр бөлімде мәзір бар, қолданушы қажет бағанды таңдап, сауалын қалдыра алады. Барлық бөлімде фото мен бейне енгізу қызметі орнатылған, түрлі бұзушылыққа куә болған азаматтар фото мен бейнежазбасын жібере алады.

Жоғарыда көрсетілген бөлімдер бойынша облыс орталығының тұрғындары сауалдарын жолдап, анықталған бұзушылықтар туралы ақпарат жібереді немесе мемлекеттік органдардан түпкілікті мәлімет алады. Мысалы, білім бағанында балабақша, колледж, университеттер туралы мәлімет алып, өтінімін бере алады. Ал жұмыс іздеушілерге еңбек биржасы мен бос жұмыс орындары туралы ақпарат пайдалы болмақ. Бұл бөлім күн сайын жаңартылады.

Болашақ талапкерлер оқу орындарының тізімімен, мекен-жайымен танысып, қызықтырған сұрақтарын қалдыра алады. Жақындары деструктивті діни ағымдардың ықпалына тап болғандар немесе сезіктенетіндер психологтарға хабарласып, дінтанушы мамандардан ақпарат алады. Бұл бөлімде өтінімді анонимді түрде қалдыруға болады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер