BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Тәуелсіздік мерекесінде шымкенттік кәсіпкерлер мұқтаж отбасыға үй берді

Фото: автор

Шымкент, BAQ.KZ тілшісі. Шымкентте Тәуелсіздік мерекесі қарсаңында бір отбасы баспаналы болды. Жалғыз басты көп балалы анаға үйдің кілті тапсырылды. Ел тарихындағы елеулі мереке қарсаңындағы қайырымды іс "Ізгілік" қайырымдылық қоры мен Шымкент қалалық жұмыспен қамту және әлеуметтік қорғау басқармасының бірлесуімен қолға алынды. Бұл туралы басқарманың баспасөз қызметіне хабарлады.

Жалғызбасты ана Роза Базарбайқызы алты баласымен пәтерден пәтерге көшіп баспана тауқыметін әбден тартқан. Бір баспана арман болған мұқтаж жандар қазір пәтер кезегінде тұр. Алайда, қамқор азаматтар отбасының бүгінгі жай-күйін көріп, бейжай қарамады. Басқарма тарапынан баспанаға мұқтаж ретінде ұсынылған отбасына қор есебінен су жаңа үй берілді.

Фото: автор

"Қайыр қылсаң, бүтін қыл" дегенді ескерген қайырымды жандар әлеуметтік тұрғыдан аз қамтамасыз етілген отбасы балаларын жуырда қор жанына ашылған "Ізгілік" әлеуметтік дүкеніне апарып, жазғы, қысқы киімдері мен аяқ киімдерін алып берді. Киім-кешекке қарқ болған отбасыға баспана кілті салтанатты түрде табыс етілді. Көптен арман еткен баспаналарына қол жеткізген қуаныш иелеріне басқарма мен жергілікті әкімдік өкілдері құтты болсын айта барды.

Фото: автор

Әлеуметтік қорғау саласы қызметкерлері алдағы уақытта бұл жандарға көпбалалы отбасына тиесілі бар қамқорлықты көрсетіп, олардың тұрмысын түзеуіне қолғабыс жасауды жалғастырады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер