1214 
0
ҚР Денсаулық сақтау министрi Елжан Бiртанов бүгiнгi Үкiмет отырысында қоғамдық денсаулық сақтау қызметiн құру туралы баяндама жасады, деп хабарлайды Baq.kz тiлшiсi.
Астана: 
ҚР Денсаулық сақтау министрi Елжан Бiртанов бүгiнгi Үкiмет отырысында қоғамдық денсаулық сақтау қызметiн құру туралы баяндама жасады, деп хабарлайды Baq.kz тiлшiсi.
Үкiмет мүшелерiнiң алдында сөз сөйлеген Бiртанов 2016-2019 жылдарға арналған «Денсаулық» мемлекеттiк бағдарламасының басым бағыттарының бiрi - қоғамдық денсаулық сақтау қызметiн құру дейдi.
«Соңғы жылдары Қазақстанда жалпы шығындардың 95-96 пайызын құрайтын инфекциялық емес созылмалы ауруларға, яғни жүрек-қан тамыр және қатерлi iсiк аурулары, созылмалы респираторлық аурулар, диабет және т.б. бөлiнетiн шығындардың өсiмi байқалады. Қоғамдық денсаулық үлгiсi ауруды емдеу әрекеттерiн олардың алдын алуға және басқаруға ауыстыру мүмкiндiгiн бередi», - дедi Бiртанов.
Министрдiң айтуынша, қоғамдық денсаулықтың мақсаттарына жету сектораралық өзара iс-қимылмыз мүмкiн емес. Ол үшiн орталық мемлекеттiк органдардың, жергiлiктi атқарушы органдардың, ҮЕҰ мен бизнес-қауымдастығының қатысуы талап етiледi. Азаматтардың денсаулығын қорғау жөнiндегi Ұлттық Үйлестiру Кеңесi ведомствоаралық үйлестiрудi қамтамасыз етуде негiзгi орган болып табылады.
Атап өтсек, қоғамдық денсаулық сақтау - бұл қоғам арқылы қабылданатын ұйымдастырылған iс-қимыл арқылы денсаулықты нығайту және өмiр сүру жасын ұзарту, аурудың алдын алу ғылымы мен тәжiрибесi.
Біздің Telegram-парақшамызда Қазақстанның маңызды жаңалықтары. Жазылыңыздар!
Қымбат ЕЛТАЙҚЫЗЫ 
2870
0