Астана: 
981 
0
Астана. 25 қыркүйек. Baq.kz –Бұл туралы Астанада ФЕМТЕК Сумен емдеу және климатпен емдеудің Дүниежүзілік Федерациясының 67-ші Конгрессінде Премьер-министрдің орынбасары Гүлшара Әбдіқалықова мәлім етті.
«Жолдауда Қазақстанның жетекші еуразиялық медициналық туризм орталығының біріне айналуы тиістігі айтылған болатын. Бұған біздің әлеуемітіміз жетеді. Қазақстандықтардың өмір жасы салауатты өмір салтының және медицинадағы кадрлық-технологиялық дамудың арқасында 80 жасқа дейін ұзаруы үшін салауатты өмір салты мен спорттың, дұрыс тамақтанудың маңызы зор» деп атап өтті ол.
Сонымен бірге көрсетілетін медициналық қызметтер түрін кеңейтіп, кардиохирургия, нейрохирургия, транплантология сияқты жоғары мамандандырылған медициналық көмек түрлерін дамыту серпінін, шетелдерде, оның ішінде көрші елдерде насихаттауды күшейту керектігіне назар аударды.
Қазіргі таңда республикада 35 оңалту орталығы халыққа қызмет көрсетуде. Сонымен бірге биыл мамырда ҚР Үкіметінің қаулысымен 2020 жылға дейінгі мерзімге арналған туристік саланы дамыту тұжырымдамасы бекітілді. Сол бойынша елімізде медицналық туризмді дамыту, сонымен қатар медициналық қызмет саласы мамандарын оқыту және даярлау қарастырылған.
«Саламатты Қазақстан» мемлекеттік бағдарламасы шеңберінде тұрғындарға медициналық оңалту қызметін көрсету стандарттары әзірленді. Балалар неврологиялық қызметін жетілдіру, сал ауруына шалдыққан балаларды оңалту бойынша жол картасы бекітілді.
2016-2020 жылдарға арналған денсаулық сақтау саласын дамытудың жаңа бағдарламасы жобасын әзірлеуде халықаралық стандартарға негізделген оңалту көмегін жетілдіру шаралары қарастырылатын болады деді Премьер-министрдің орынбасары Гүлшара Әбдіқалықова.
Біздің Telegram-парақшамызда Қазақстанның маңызды жаңалықтары. Жазылыңыздар!
2881
0