ҚР Денсаулық сақтау министрі Елжан Біртанов менингококк инфекциясын жұқтырған азаматтардың денсаулығын жеке өзі бақылап отырғанын мәлім етті, деп хабарлайды Baq.kz тілшісі.
Астана: 
2272 
0
ҚР Денсаулық сақтау министрі Елжан Біртанов менингококк инфекциясын жұқтырған азаматтардың денсаулығын жеке өзі бақылап отырғанын мәлім етті, деп хабарлайды Baq.kz тілшісі.
«Қазіргі таңда жағдай тұрақты. Менингит мәселесі бақылауда. Кеше бір адам менингит жұқтырды деген күдікпен ауруханаға жеткізілді. Жалпы, осы дертке шалдыққан пацениеттердің жағдайын жеке өзім бақылап отырмын. Олардың өміріне қауіп төніп тұрған жоқ», - деді министр Үкімет отырысынан шыққан соң.
Оның айтуынша, кеше Алматыдағы ауруханаға ауыр жағдайда бір бала жеткізілген.
«Алайда оның денсаулығы қазіргі таңда бірқалыпты. Оған нақты диагноз қойылған жоқ. Менингит ауруын жұқтырды деген диагноз нақты 60 адамға қойылды. Аурудың жаңа деректері тіркелген жоқ, сондықтан мәселе бақылауда. Қазіргі таңда менингококк инфекциясын жұқтырған ауруханада 11 пациент ем қабылдап жатыр», - деп түйіндеді сөзін Елжан Біртанов.
Біздің Telegram-парақшамызда Қазақстанның маңызды жаңалықтары. Жазылыңыздар!
2870
0