BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Биыл елімізді 90%  бензинмен қамтамасыз етеміз – министр

2018 жылы елімізді 90% бензинмен қамтамасыз етеміз. Қалған 10% өнімді экспортқа шығарамыз. Бұл туралы Үкіметтің баспасөз орталығында өткен брифингте ҚР Энергетика министрі Қанат Бозымбаев айтты, деп хабарлайды Baq.kz тілшісі.

«Бензин мәселесіне тоқталайын. Бұл туралы өткен жылы да айтқанбыз. Біз 14,9 млн тонна мұнайды зауыттарда өңдедік. Биыл 1,2 млн мұнайды артық өңдейміз. Елімізді 90% бензинмен қамтамасыз етіп, қалған 10% бензинді сыртқа экспорттаймыз», - деді министр.

Сонымен қатар, Қанат Бозымбаев елімізде арнайы жанар-жағармай қоры құрылуы мүмкін екенін айтты.

«Біз Үкіметке арнайы ұсыныс жібергелі отырмыз. Анығын айтсақ, биыл Қазақстанда бензин, дизель, әуекеросин өнімдерінің резерв қорын құру керек деген ұсыныс дайындағалы отырмыз. Бұл мәселе пысықталып жатыр», - деді ведомство басшысы.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер