BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Түркияда тұратын қазақ скрипкашы 101 жасында өмірден өтті

Фото: Baq.kz

Қазақ скрипкашысы ретінде танылған этникалық қазақ Әлім Алмат (Ғалымжан Әбсәләмов) Стамбулда 2 ақпан күні 101 жасқа қараған шағында дүние салды, деп хабарлайды Baq.kz ақпарат агенттігі.

Азаттыққа бұл хабарды марқұмның Ақтөбеде тұратын туысы Роман Рахиев жеткізді.

- Бізге хабар бүгін таң алдында келді. Ақтөбеден Стамбулға тікелей рейс болмағандықтан, жаназасына үлгере алмаймын. Сондықтан Әлім Алматтың ұлы Төреге қоңырау шалып, көңіл айттым. Марқұмды ақтық сапарға 3 ақпан күні жөнелтеді, - деді Роман Рахиев.

1917 жылы Ақтөбе облысының Ырғыз ауданында дүниеге келген Ғалымжан Әбсәламов Екінші дүниежүзілік соғыс кезінде тұтқынға түсіп, Еуропа елдерін паналады. Кейін Түркияға келіп тұрақтаған. Есімі мен тегін де совет үкіметінің қудалауынан сескеніп, сол кезде өзгертеді.

Естеріңізде болса, бұған дейін "Мәрия Шоқайды анасындай ардақ тұтқан қазақтың кейінгі тағдыры қалай болды?" деген тақырыпта Әлім Аматтың өмірі туралы жазған болатынбыз.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер