Ғарышкерлер Алакөл курорттық аймағына келді - Туризм|24 Маусым 2018, 09:35
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Ғарышкерлер Алакөл курорттық аймағына келді

Қазақстандық және ресейлік ғарышкерлер Алматы облысындағы Алакөл курорттық аймағына келді. Бұл шара Елбасының Алакөлді дамыту бойынша тапсырмасын орындау аясында курорттық аймаққа ішкі және ресейлік туристердің легін арттыру мақсатында өткізіліп отыр, деп хабарлайды Baq.kz ақпарат агенттігі.

ҚР Мәдениет және спорт министрлігі мен «Kazakh Tourism» ұлттық компаниясы шақыруымен іс-шараға Қазақстанның Халық қаһарманы, авиация генерал-лейтенанты Талғат Мұсабаев, кеңес ғарышкері, Кеңес одағының батыры Анатолий Арцебарский, Қазақстан және Ресей ғарышкері, полковник, Қазақстанның Халық қаһарманы және Ресей Федерациясының қаһарманы Юрий Маленченко, Ресей Федерациясының ғарышкері Юрий Батурин қатысуда.

«Алакөлдің суын қазақтың батырлары ерте заманнан бері жоңғарлармен шайқастан кейін емделу үшін қолданған деген аңыз бар. Кейбірінің айтуынша, осы аймақта әлсіреген және жарақаттанған жауынгерлерін емдеу үшін Шыңғыс хан түмендерімен келіп отырған. Осы аңыздардың барлығын кеңес ғарышкерлерінің ғарыш радиациясынан тазару мен сапардан кейінгі медициналық қайта қалпына келтіру кезеңдерінің бірін Алакөлде өткізгені туралы тарихи деректер растайды десе болады», - дейді ҚР Мәдениет және спорт министрлігінің Туризм индустриясы комитетінің төрайымы Майнюра Мурзамадиева.

Ертеде ғарышқа сапардан кейінгі қайта қалпына келтіру шаралары көлдің шығыс жағалауында өткізілгені белгілі. Бірақ, осы жолы ұйымдастырушылар ғарыш ардагерлеріне көлдің оңтүстік жағалауын көрсетуде. Ғарышкерлердің бағдарламасы сауықтыру процедураларын, СПА және белсенді демалыс түрлерін қамтиды.

Айта кетейік, шипажайлық-курорттық сауықтыру ғарышкерлердің кәсіби қызметін жалғастыру үшін қажетті және ғарыш сапарынан кейінгі қалпына келудің қорытынды кезеңі болып табылады.

Естеріңізге сала кетейік, Алакөл — Қазақстандағы жартылай ащы тұйық көл. Ол Балқаш-Алакөл ойпатында теңіз деңгейінен 350 метр биіктікте Жоңғар Алатауы тауларының ортасында орналасқан. Көлдің атауы оның суының түсі өзгеріп тұруымен байланысты қойылған. Көлемі бойынша еліміздің ішкі көлдері арасында Алакөл екінші орында. Оның аумағы 2696 шаршы шақырымға тең, ал ең терең жері 54 метрге дейін жетеді.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер