BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Қызылордада 1400 бейнебақылау камерасы орнатылады

Фото: openkyiv.info

Астана, BAQ.KZ. Қызылордада қауіпсіздік секторын цифрландыру шеңберінде 5 жоба жүзеге асырылады. Қазіргі таңда қалалық полиция басқармасының жедел басқару орталығында 272 бейнебақылау камерасы және 8 жол қозғалысы ережесін бұзу деректерін тіркейтін жүйе жұмыс істейді. Бұл туралы 24kz сайты хабарлайды.

2022 жылдың соңына дейін облыс орталығына 3 мың 200 камера орнатылады. Оның 1 мың 400-і келесі жылы іске қосылады. Сондай-ақ 31 жол қозғалысын қадағалау жүйесі қойылады. Бүгінде кейбір жарықтандырылмаған аулаларды түн мезгілінде бейнекамерамен бақылау қиындық туғызатыны белгілі. Мамандар жаңа қондырғылар арқылы бұл мәселе шешімін табатынын айтады.

Қызылорда облысы 112 біріңғай диспетчерлік қызметін іске асыру үшін пилоттық аймақ ретінде таңдалған.

«Күнделікті 8 бейнебақылаушымен жұмыс атқарады. Оларға күнделікті жүктемесі беріледі. Сол жүктемесі бойынша жұмыс атқарылады. Ағымдағы жылдың 11 айында 69 қылмыс ашылып, 15 мың 975 құқықбұзушылық анықталды. Сол себепті қазіргі таңда қылмыстар азаюда», - дейді қалалық ПБ жедел басқару орталығының бастығы Талғат Лекеров.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер