BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
Астана:

Ұлттық экономика министрі Ынтымақтастығы туралы бас келісімге қол қойды

Астана. 25 қараша. Baq.kz – Ұлттық экономика министрі Ерболат Досаев Стамбул қаласында (Түркия) Ислам Ынтымақтастығы Ұйымы Экономикалық және сауда ынтымақтастығы бойынша тұрақты комитетінің 31-отырысына қатысты.

Ислам Ынтымақтастығы Ұйымы (ИЫҰ) Экономикалық және сауда ынтымақтастығы бойынша тұрақты комитетінің 31-отырысы (КОМСЕК) Түркия Президенті Реджеп Эрдоган мен Ислам Ынтымақтастығы Ұйымының (ИЫҰ) Бас хатшысы Ийяд Маданидың төрағалығымен өтті.
КОМСЕК Министрлер сессиясының қорытындысы бойынша Ерболат Досаев Ислам Конференциясы Ұйымына мүше елдер арасындағы экономикалық, техникалық және сауда ынтымақтастығы туралы бас келісімге қол қойды. Бас келісім Ислам Ынтымақтастығы Ұйымға (ИЫҰ) мүше елдердің экономикалық ынтымақтастығын реттейтін басты құжаттардың бірі.
Бұл ретте Ұлттық экономика министрі Ерболат Досаев: «Қазақстанның келісімге қосылуы ИЫҰ елдерімен тығыз әріптестік қатынастарды дамытуға серпініс береді, исламдық қаржы және экономикалық институттармен ынтымақтастықты белсендетеді, Қазақстан Республикасына инвестицияларды тартуға жәрдемдеседі», - деп айтты.
Сондай-ақ, отырыстың қатысушылары Азық-түлік қауіпсіздігі және ауыл шаруашылық бойынша ИЫҰ Министрлері Конференциясының 7 сессиясымен бірге Азық-түлік қауіпсіздігі бойынша Ислам ұйымының Бас Ассамблеясының І сессиясына дайындығын талқылады. Алдын ала мәліметтер бойынша оның өткізілуі Астанада 2016 жылғы сәуір айына жоспарланған.
Қазақстан Үкіметі және Азық-түлік қауіпсіздігі бойынша Ислам ұйымының отырысы шеңберінде Азық-түлік қауіпсіздігі бойынша Ислам ұйымының отырысы құқықтық статусы туралы келісімге қол қою жоспарланып отыр.
 


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер