«Қазақ Мессиі» ресейлік клуб сапындағы алғашқы ойында гол соқты - Спорт|23 Қаңтар 2018, 09:58
Теңгенің бүгінгі бағамы жаңартылады
Астана:

«Қазақ Мессиі» ресейлік клуб сапындағы алғашқы ойында гол соқты

Фото: Еркебұлан Сейдахметтің жеке архивінен

17 жастағы қазақстандық шабуылшы Еркебұлан Сейдахмет «Уфа» командасының құрамында өнер көрсетіп, бірінші матчта гол салды, деп хабарлайды Вaq.kz ақпарат агенттігі Vesti.kz басылымына сілтеме жасап.

Ойын Кипрдегі оқу-жаттығу жиындарында өтті.

Еркебұлан Сейдахмет Кипрдің «Алка» командасымен жолдастық кездесуде гол соқты. Ол бірінші таймның соңында қарсыластың қақпасына доп салып, есепті 3:0-ге жеткізді.

Қазақстандық футболшы Ресей премьер-лигасындағы клубқа ойнаған алғашқы матчында алаңға оныншы нөмірмен шықты.

Еске сала кетсек, 2018 жылдың 14 қаңтарында 17 жастағы қазақстандық футболшы Еркебұлан Сейдахмет Ресейдің «Уфа» командасындағы жаттығуын бастаған. Ресейлік клубтың ойыншылары қазақстандық футболшыға «Лео» деп лақап ат берген.

Еркебұлан Сейдахмет 2000 жылы 23 ақпанда Тараз қаласында дүниеге келген. «Тараз» футбол мектебінің түлегі.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер