BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

АҚШ бас консулы: Алматыға қайта айналып келе бергің келеді

Фото: Алматы қаласы әкімінің баспасөз қызметі

Астана, BAQ.KZ. Алматы әкімі Бауыржан Байбек АҚШ-тың бас консулы Эрик Майермен кездесті. Кездесу кезінде тараптар сауда-экономикалық, инвестициялық, мәдени-гуманитарлық ынтымақтастықтың кең спектрлі мәселелерін талқылады. Бұл туралы қала әкімінің баспасөз қызметі хабарлады.

Кездесу барысында АҚШ-тың Бас консулы Қазақстанның іскерлі, мәдени, білім және ғылым орталығы болып табылатын Алматының екіжақты байланыс үшін маңызды екенін атап өтті.

«Алматы – Америка консулдығы және Қазақстанда бизнес ашуға ынталы АҚШ компаниялары жүгінетін Америка сауда палатасы орналасқан Орта Азиядағы жалғыз қала. Мен мұнда 2004 және 2008 жылдары болған едім. Қала сондай тартымды, қайта айналып келе бергің келеді, осы жерде жұмыс істеуге мүмкіндік туғанына қуаныштымын. Мен Алматыда үлкен оң өзгерістердің болғанын көрдім, жаяу жүргіншілер үшін жақсы инфрақұрылым жасалыпты, қоғамдық кеңістік барынша ашыла түскен», - деді Эрик Майер.

Айта кетерлігі, Алматыда қазіргі кезде телекоммуникация, қаржы, сауда және басқа салаларда америкалық капиталмен 168 компания жұмыс істейді. Алматы мен АҚШ арасындағы тауар айналымы өткен жылы 400 миллионнан астам долларды құрады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер