Ұлы даланың жеті қыры. Халық өзінің тарихи орнын анық білгені дұрыс - депутат - Руханият|25 Қараша 2018, 15:38
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Ұлы даланың жеті қыры. Халық өзінің тарихи орнын анық білгені дұрыс - депутат

Астана, BAQ.KZ. Елбасының "Ұлы даланың жеті қыры" атты мақаласы жарық көрген болатын. Осы мақалаға орай ҚР Мәжіліс депутаты Зәуреш Аманжолова өз пікірін білдірді.

Бүгінгі күнге дейін біз тарихымызды жинақтап, бары мен жоғын анықтаумен келдік.

«Өз тарихын білмеген халық, өзін де сыйламайды» демекші, ұлттық сана-сезімнің негізгі бір тірегі – тарихи сана-сезім. Ұлттық мәдениет оңай жоғалып кетпес үшін және жаһандану заманында қазақ ұлты әлемдік өркениеттегі орнын және үлесін айқындау үшін ол өзінің тарихи орнын анықтап білгені дұрыс.

Мемлекеттің тәуелсіздігі мен егемендігі оның болашақтағы өміршеңдігі рухани құндылықтарымен де анықталады.

Біз мыңдаған жылдар бойы адамзат өркениетінің қалыптасуына әрқашан үлес қосып қана қоймай, тіпті үлкен әлемдік тарихи процестердің ортасында болдық.

Кез келген халық, оның ұрпағы өзінің тарихын, адамзат дамуына қосқан технологиялық, инновациялық үлесі туралы хабардар болуы тиіс.

Елбасы мақаласында әрбір азамат туған жерінің тарихын білуге, құндылықтарын қастерлеп, дамуына өз үлесін қосу қажет деген міндетті қойып отыр.

Қазақ халқының сан ғасырлар бойы жинақтаған тарихы, мәдениеті, танымдық мұрасы мен дүниетанымы, салт-дәстүрі, әдет-ғұрпы, өлең-жырлары, музыкалық мұрасы, аспаптары баға жетпес асыл мұра. Бұл рухани байлықты сақтап, әрі қарай дамыту, ұлы дала кеңістігінен шыққан өркениеттік жетістіктерді ұмытпау, оларды дәріптеу келер ұрпақтың үлесінде.

Мақала шеңберінде аталған жобалар тарихи-археологиялық зерттеулердің, архив ісінің, фольклорлық-этнографиялық бағыттың, кино, музыка саласын дамытуға үлкен серпіліс береді.Ұлы Даланың фольклоры мен әуендері заманауи цифрлық форматта жаңа тыныс алады.

Келешек ұрпаққа ұлт қаһармандарын үлгі тұту үрдісі олардың құндылықтары мен өмір сүру салтын, көзқарастарын қалыптастыратынын айта кеткен жөн.

«Тәрбие тал бесіктен» деп ұлттық болмысымызды сақтау үшін бала тәрбиесіне ертеден ерекше мән беріп,. ертегі аңыздарды бала санасына сіңіріп, өнегелі іске үгіттесек бүгіндері ғаламторсыз өмір сүре алмайтын дәрежеге жеткен балаларға өз ұлтының мәдениетін, әдебиетін, тарихын, ұлттық құндылықтарын бойына сіңіріп, өз елінің патриоты болып өсуіне ықпал етер едік.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер