BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Аты жоқ альбом - Алмас Кішкенбаевтың альбомы жарық көрді


Республикалық, халықаралық байқаулардың жеңімпазы Алмас Кішкенбаевтың кезекті альбомы жарық көрді.

Бұл - белгілі әншінің бұрынғы продюсері Ләйлә Сұлтанқызы­мен арадағы келісімшарт аяқталған­нан кейін өз алдына еңбектеніп жасаған алғашқы қадамы. Алмас өзі өз болып өмірге әкелген тыр­нақалды туындысына ат қойып, айдар тағуды артық санаған сы­ңайлы. Жай ғана аты-жөнін көр­сетумен шектеліпті. 5000 данамен тыңдарманға тарту етілген әнжинаққа он шығарма енгенін айта кеткеніміз жөн болар. Олар­дың арасында көпшілікке бұрын­нан таныс «Арман-ай», «Ал­дай­ды», «Сағына беремін», «Ая­ла­йын», сондай-ақ сиясы кеппеген туындылар да баршылық.
- Бұл альбом екі жыл бұрын жоспарланған дүние еді. Кейбір себептерге байланысты жаңа жи­нақтың шығуын көп күткенім рас. Дегенмен «Ештен - кеш жақсы» деп қуанышты жаңалығымды әдет­тегідей ең бірінші БАҚ өкіл­дерімен, достарыммен, әріп­тестеріммен бөлісуге асықтым. Барлық өнер иесі үшін сапалы өнім шығару, оны халыққа ұсыну басты мақсаттарының бірі. Мен де сапасы мен мазмұны, мәні мен сәні келіскен альбом жасауға ты­рыстым. Мұның бәрі бірге бірігіп жұмыс жасаған ұжым мен жан­а­шыр достарымның жемісті еңбегі деп қабылдаңыздар. Менің қуа­нышты сәтімде жанымнан та­былғандарыңызға рақмет. Бі­рін­шіден, Аллаға, екіншіден, альбом­ның сапалы жарық көруіне атса­лысқан азаматтардың барлығына алғысымды білдіремін, - дейді Алмас Кішкенбаев.

Айта кетерлігі, Алмас бір жыл бұрын тек классикалық әндерді дәріптеумен айналысатын «Клас­сик» квартетін құрып, өзінің про­дюсерлік қабілетін де көрсете бас­тады. Бүгінгі таңда төрттіктің репертуарында оннан аса ән мен бір бейнебаян бар. Топ құрамын таныстыра кетсек, Құрманғазы атындағы консерваторияның сту­денттері Тахауи Рахметов, Хамит Отарбаев, Аманқос Ұзақбайұлы, Ильзат Смаилов сынды төрт жігіттен құралған. Бір жыл бұрын бір ортаға бас біріктірген жігіт­тердің барлығы әзірге студент болғанымен, болашақта үлкен үміт күттіретін табиғи талант екен­­дерін дәлелдеп үлгерді. Ал­мастың айтуынша, «Классик» тек қана классикалық жанрдағы ән­дерді орындаумен, жаңғыр­тумен, дамытумен ерекшеленеді.
Талай қыздың арманына айна­лып, жүректерін жаулаған жас жігіттің жеке басына келсек, бір жыл бұрын шаңырақ көтергені баршаға мәлім. Зайыбы Мөлдір екеуі тату-тәтті түтін түтетіп, жа­ра­сымды ғұмыр кешуде. Мөлдір банк саласының қызметкері бол­ғанымен, жұбайының шығар­машылығын жақсы түсінеді. Тіп­ті кезінде Алмастың «Алдайды» әніне түсірілген клипінде басты кейіпкерді сомдаған. Екі жастың болашаққа құрған жоспарлары көп. Бұйыртса, орындалады деген сенімде.
http://www.aikyn.kz/index.php?option=com_content&task=view&id=11250&Itemid=2

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер