BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Ресейде іздеуде жүрген қазақстандық ұсталды

Астана, BAQ.KZ. Павлодар шекара отрядының «Шарбақты-авто» өткізу бөлімшесінде «Павлодар - Барнаул» бағытындағы жолаушылар автобусын тексеру барысында шекара наряды екі қазақстандықты ұстады.

Оларды ұстауға себеп болған 48 жастағы әйелдің косметикалық сөмкешесіндегі қоңырқай сұйықтық (апиын ерітіндісі болуы мүмкін) толтырылған 10 мг медициналық шприц болатын, деп мәлімдейді ҚР ҰҚК ШҚ баспасөз қызметі.

Айта кету керек, бұл шприцты шекарашылардың есірткі іздеуге арнайы үйретілген қызметтік иті тауып берген. Ұсталған әйелді және оның жанындағы 37 жастағы серігін ҚР Бас прокуратурасының құқықтық статистика және арнайы тіркеу комитетінің ақпараттық сервисі арқылы тексерген кезде, ол азаматтың Ресей Федерациясы Қылмыс кодексінің 162 бабының 2-бөлігі бойынша жасалған (алдын ала сөз байласқан топ құрамында, қару (немесе өзге затты қару ретінде) қолдана отырып қарақшылық шабуыл жасау) қылмысы үшін Ресей құқық қорғау органдарының іздеуінде жүргендігі анықталды. Ұсталғандар Шарбақты аудандық ішкі істер бөліміне тапсырылды.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер