ОҚО-да «Нұрлы жол» бағдарламасы аясында 16 мектеп пайдалануға беріледі - Нұрлы жол|07 Шілде 2017, 15:28
Теңгенің бүгінгі бағамы жаңартылады
Астана:

ОҚО-да «Нұрлы жол» бағдарламасы аясында 16 мектеп пайдалануға беріледі

Фото: ОҚО әкімінің баспасөз қызметінен алынды

Оңтүстік Қазақстан облысында биыл «Нұрлы жол» бағдарламасы аясында 16 мектеп пайдалануға беріледі, деп хабарлайды Baq.kz.

Оңтүстік Қазақстанда «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы арқылы бірқатар жұмыс атқарылды.

Атап айтқанда, бағдарлама басталған екі жылдың бірінші жылы 324 пәтерлі 9 қабатты тұрғын үй пайдалануға беріліп, 300-ден астам отбасы қоныс тойын тойлады. Сонымен бірге, 2015 жылы аталған жұмыстарды іске асырып, атқаруда 1200-ге жуық адам жұмыспен қамтылды.

Өткен жылы «Нұрлы жол» аясында 10 білім беру нысаны халық игілігіне берілді. Мәселен, былтыр 9 мектеп (оның 2-уі апатты жағдайда, 7- үш ауысымды) пен 1 балабақшаның (орын тапшылығы) жаңа құрылысы жүріп, балалар 1 қыркүйектен бастап жаңа нысандарда білім ала бастады. Сондай-ақ, тұрғын үйлерді инженерлік жүйелермен қамтамасыз ету бойынша Шымкент қаласы мен Түлкібас ауданындағы 2 нысанға тиісті жұмыстар жүргізіліп, мерзімінде тапсырылды. Осылайша, 2016 жылы аталған бағдарлама аясында жүргізілген құрылыс нысандары арқылы 3655 адамға жұмыс орындары ашылды.

Ал биылғы жоспар бойынша жыл соңына дейін пайдалануға берілуі тиіс 19 білім ошағының 3-уі – Қазығұрт ауданында 2 мектеп, Сайрам ауданында 1 мектеп пайдалануға берілсе, қалған 16 білім ордасы жаңа жылға дейін жұмысын бастайды деп күтілуде. Аталған нысандар толық аяқталып, халық игілігіне берілгенде, оңтүстіктегі 12 мың оқушы 8 апатты, 11 үш ауысымды мектептердің орнына су жаңа білім ошақтарында білім алады, деп хабарлайды ОҚО әкімінің баспасөз қызметі.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер