Астана: 
1406 
0
Астана. 21 қараша. Baq.kz – Грек-рим күресінен Олимпиада ойындарының қола жүлдегері Нұрбақыт Теңізбаев Мемлекет басшысының "Нұрлы жол - болашаққа бастар жол" атты Қазақстан халқына арнаған Жолдауын оң қабылдағанын мәлімдеді.
"Елбасының жолдауларын спортта жүрсек те тыңдап жүреміз. Бірінші кезекте спортқа қатысты не айтады екен деп алаңдап отыратынымыз рас. Ол кісінің өзі де спортқа жақын екенін халық жақсы біледі. Осының алдындағы жолдауларында Қазақстан халқының 30 пайызы бұқаралық спортпен айналысу керек деп нақты тапсырма айтқан болатын. Бұл жолы да салауатты өмір салтын назардан тыс қалдырған жоқ. Бұл бағытта нақты жұмыстар атқарылып жатыр деген сенімдімін. Жақында аяқталған ауыр атлетикадан әлем чемпионаты кезінде Президент Илья Илинді құттықтағанын елдің бәрі көрді. Осыдан-ақ Нұрсұлтан Әбішұлының спорт пен спортшыларға деген көзқарасының қандай екенін түсінуге болады. Ол кісі спорттың үлкен жанашыры" дейді қазақстандық палуан.
Біздің Telegram-парақшамызда Қазақстанның маңызды жаңалықтары. Жазылыңыздар!
2457
0