Түркістан облысында жыл соңына дейін 3 мың жұмыс орны ашылады - Аймақ|25 Қазан 2018, 19:13
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Түркістан облысында жыл соңына дейін 3 мың жұмыс орны ашылады

Астана, BAQ.KZ. Түркістан облысы әкімдігі мен «Turkestan Invest» мекемесі бірлесіп жалпы құны 615 млн. АҚШ долларын құрайтын 13 инвестициялық жобаны жүзеге асыруды қолға алды.

Жоспар іс жүзінде орындалса, өңірде 3 мың жаңа жұмыс орындары ашылатын болады. Жалпы, жыл соңына дейін құны 47,5 млн. АҚШ долларды құрайтын 3 жоба іске қосылады деп күтілуде. Нәтижесінде жаңадан 500-ге жуық жұмыс орны пайда болады.

«Бүгінгі күнге дейін түрлі салаларда 50 бизнес жоспар жасалған. Оның ішінде 4 жоба облысымызға тиесілі. Олардың қатарында тұрмыстық қалдықтарды қайта өңдейтін зауыт, түйе сүтінен өнімдер өндіретін кәсіпорын және алюминий және пластмассалық бұйымдарын шығаратын өндіріс орны бар. Одан бөлек, қосымша 10-ға жуық шетелдік инвесторларды тарту бойынша келіссөздер жүргізілуде. Айта кететін жәйт көптеген шетелдік компаниялар біздің өңірімізге келіп, жұмыс істеуге ерекше қызығушылық танытып отыр», - деді «Kazakh Invest» Ұлттық компаниясының өңірлік ди⁠ректоры Дәулетқожа Мамыров Өңірлік коммуникациялар қызметінде өткен баспасөз жиынында.

Сараптамалық зерттеулер нәтижесінде әлемнің дамыған 36 елі инвестиция құюға әлеуетті екені анықталған. Алайда, іскерлік қарым-қатынас орнату бойынша АҚШ, Ресей, Ұлыбритания, Германия, Франция, Италия, ҚХР, Жапония, Оңтүстік Корея, Түркия, БАӘ сияқты елдерге басымдық берілген. Қазіргі таңда аталған елдерде қаржы көздерін тарту бойынша «KAZAKH INVEST» өкілдіктері мен елшілердің арнайы инвестиция бойынша кеңесшілері жұмыс істеуде.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
30 Желтоқсан 2018, 18:34
500 МЫҢ ТЕҢГЕ АЙЛЫҚ ТІЛЕЙМІН!
Пікірлер