BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

ОҚО әкімінің бірінші орынбасары тағайындалды

Бүгін Қазақстан Республикасы Президенті әкімшілігінің келісімімен және Оңтүстік Қазақстан облысы әкімінің өкімімен облыс басшысының бірінші орынбасары қызметіне Әліпбек Шәріпбекұлы Өсербаев тағайындалды, деп хабарлайды Вaq.kz ақпарат агенттігі otyrar.kz басылымына сілтеме жасап.

Аймақ басшысы жаңа орынбасарына өз саласындағы өзекті мәселелерге сараптама жасап, алдағы атқарылатын жұмыстар бойынша нақты іс-шара жоспарын жасауды тапсырды.

Бұған дейін осы қызметті атқарған Дархан Амангелдіұлы Сатыбалды шетелге оқуға кетуіне байланысты өз өтініші негізінде жұмыстан босатылды. Өңірде қызмет атқарған жылдары ішіндегі жемісті жұмысы үшін Дархан Сатыбалдыға облыс әкімі алғысын білдіріп, «Облысқа сіңірген еңбегі үшін» медалімен марапаттады.

Әліпбек Өсербаев 1961 жылы туған, жоғары білімді, мамандығы - инженер-химик-технолог.

Еңбек жолын 1983 жылы Қарағанды асбест-цемент өнімдерін шығаратын зауытының машинисті ретінде бастаған. 1986-2014 жылдары Түркістан қаласы құрылыс детальдары мен конструкциялары комбинаты зертханасының инженері, мастері, экономисті, цех бастығы, бас инженері, «Қуат Суиндустрия» АҚ, «KazakhConstruction Industry» АҚ Түркістан қаласы рудасыз материалдар комбинаты филиалдарының директоры, Түркістан қалалық мәслихаты хатшысының міндетін атқарушы, Түркістан қаласы құрылыс бөлімінің меңгерушісі, Кентау, Түркістан қаласы әкімінің орынбасары, Түркістан қаласының әкімі, облыстық кәсіпкерлік және индустриялды-инновациялық даму басқармасының басшысы лауазымдарын атқарған.

2014 жылдың қыркүйек айынан бастап бүгінге дейін Оңтүстік Қазақстан облысы Түркістан қаласының әкімі болып қызмет етіп келді.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер