BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Таразда «Тәрбие басы – отбасы» атты ата-аналар форумы өтті

Астана, BAQ.KZ. Халқымыз қашаннан бала тәрбиесіне аса зор мән берiп, баланың болашақта жақсы адам болғанын қалаған.

«Отбасы - шағын мемлекет» демекші, баланың жарық ой-өрісінің дамуы мен сана сезімінің толысып, жақсы азамат болуында ата-анасының берген тәрбиесі маңызды болмақ. Жас ұрпақты жан-жақты жетілген, ақыл парасаты, ой-өрісі биік азамат етіп тәрбиелеу - қоғамымыздың ең өзекті мәселесі. Әлем мойындаған ғұлама Әбу Насыр әл-Фараби «Адамға ең бірінші білім емес, тәрбие беру керек, тәрбиесіз берілген білім - адамзаттың қас жауы деген екен.

Осы мақсатта облыстық білім басқармасына қарасты «Мектеп олимпиадаларын және мектептен тыс іс-шараларды өткізетін орталығында» облыстық «Тәрбие басы – отбасы» атты ата-аналар форумы Жамбыл облысы әкімдігінің білім басқармасы басшысы Тұрмаханбетова Рахия Сейтбекқызы, Жамбыл облысы Полиция департаменті Есірткі бизнесіне қарсы күрес басқармасының бастығы полиция подполковнигі Алметов Асхат Аманқұлұлы, Полиция департаментінің Жергілікті полиция қызметінің Ювеналдық полиция бөлімінің бастығы Қалжанов Қуаныш Жақсылықұлы,Жамбыл облысы ата-аналар кеңесінің төрайымы Мырзағали Эльмира Инаятқызының белсене атсалысуымен ұйымдастырылып, өткізілді. Бұл туралы Жамбыл облысы Полиция департаменті баспасөз қызметі хабарлады.

Форум барысында Жамбыл облысы бойынша жиналған ата-аналар мен қонақтарды Жамбыл облысы ПД ЕБҚКБ бастығы полиция подполковнигі Асхат Алметов 16 желтоқсан - Тәуелсіздік күнімен құттықтай отырып, нашақорлықтың алдын алу мақсатында, қазіргі таңда есірткі заттары қалай таратылатыны, жасөспірімдер арасында есірткіні қолдану проблемалары, ата-аналарға есірткі жайлы нені білу керек, баламен нашақорлық жөнінде қарым-қатынасты қалай ұйымдастыру, психоактивті заттарды пайдалану фактісі расталған жағдайда өзін қалай ұстау керектігi және есірткіні қолданған жағдайда неге әкеп соғатыны жайлы қажеттi мәліметтер бере отырып, мазмұнды бейнеролик көрсетумен сөзін аяқтады.

Аудандық және қалалық білім бөлімдері «Үздік ата-аналар комитеттері» көрнекі бейнебаяндар ұсынып, слайд арқылы атқарылған жұмыстарын таныстырды.

Жамбыл облысы әкімдігінің білім басқармасының басшысы Рахия Тұрмаханбетова және Жамбыл облысы ата-аналар кеңесінің төрайымы Эльмира Мырзағали аудандар мен Тараз қаласынан қатысқан «Үздік ата-аналар комитеттерін» Құрмет грамотасы және бағалы сыйлықтармен марапаттады. Оның ішінде

Тараз қаласы Төлеби атындағы №8 гимназиясының, Сарысу ауданы Ақтоғай орта мектебінің, Жуалы ауданы №15 мектеп-лицейінің, Талас ауданы Ахмет Байтұрсынұлы атындағы гимназиясының, Шу ауданыЖамбыл атындағы шағын орталықты орта мектебінің, Шу ауданы Жамбыл атындағы шағын орталықты орта мектебінің, Байзақ ауданы Үлгілі орта мектебінің ата-аналар комитеттері болды.

Форум соңында қатысушы 300-ге жуық ата-ана мен қамқоршылық кеңестерінің өкілдеріне және қатысушы қонақтарға «Ана-әке» әнін мектеп олимпиадаларын және мектептен тыс іс-шараларды өткізетін орталықтың қыздар вокалдық тобы тарту етті. Ұйымдастырушылар қатысушыларға уақыттарын бөліп келгендеріне көп алғысын айта отырып, бәріне отбасы игілігін тіледі. Барлық келген қонақтар мазмұнды өткен іс-шарадан көтеріңкі көңіл-күйде тарқасты.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
17 Қаңтар 2019, 16:34
Бозарып тағы таң атты
Пікірлер