BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
Астана:

Есірткі тасушы шекарашының итін алдай алмайды

Астана, BAQ.KZ. Семейлік шекарашылар «Ауыл-теміржол» өткізу бөлімшесінде «Алматы-Новосибирск» бағытындағы № 302-пойыздың жолаушысын ұстады, деп жазады ҚР ҰҚК ШҚ баспасөз қызметі.

Вагондардың бірін тексеру кезінде шекарашылардың «Гретта» атты қызметтік иті үстелдердің бірінің үстінде, аузы тығыз жабық тұрған айранның ыдысын меңзеді.

Айранның иесі, 58 жастағы қазақстандық, мұқият жабылған пластик бөтелкеден иіс сыртқа шыға қоймас деген сеніммен, салмағы 20 граммдай болатын марихуана есірткісін соған салып, дастарханға қойып қойыпты.

Қулығы іске аспай қалған азамат Семей желілік ішкі істер бөліміне тапсырылды.

Сондай-ақ Қордай шекара отрядының «Қордай-авто» бөлімшесінде өткен түнде Шекарашыларға төлқұжатын тексертіп болып, Қазақстанға кіріп келе жатқан 38 жастағы қырғызстандық ұсталды.

Есік алдындағы шекарашылардың көздерін ала беріп, ол қалтасынан алып шыққан түйіншегін еденге елеусіз тастай салған. Бірақ бұл жәйт шекарашылардың көзінен тыс қалмады. Арнайы үйретілген ит түйіншектің иесін бірден тауып берді. Оның ішінде 3 грамдай гашиш есірткісі бар болып шықты. Ұсталған азамат Қордай аудандық ішкі істер бөліміне тапсырылды.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер