Ерұлан Қанапиянов 60 жылдық мерейтойын атап өтуде

Астана, BAQ.KZ. Бүгін Еуразиялық мәдениет қорының президенті, композитор, белгілі қоғам қайраткері және меценат Ерұлан Қанапиянов 60 жылдық мерейтойын атап өтуде.

Ол камерлық, эстрадалық-симфониялық оркестрлер, Николай Рубцов, Кәкімбек Салықов, Шөмішбай Сариев пен өз өлеңдеріне вокалдық цикл жазған талантты азамат. Ол – 7-ші қысқы Азия ойындарының Эстафета Алауының және 28-ші Дүниежүзілік қысқы универсиаданың әнұранының авторы. Насер Күлсариевпен бірге Арал теңізінің экологиялық апаты туралы тұңғыш қазақстандық рок-опера балетін жазды. Сазгерлік шығармашылығы үшін Ерұлан Қанапиянов Қазақстанда «Жыл композиторы» марапатына ие болды, сондай-ақ Андрей Петровтың (Санкт-Петербург) дәстүрін сақтап және дамытқаны үшін «Жемчужина» сыйлығының лауреаты атанды.

1991 жылдан бері «Қазақстан-Австралия» іскерлік және мәдени ынтымақтастық қауымдастығы президенті қызметін атқарып келеді.

Көптеген танымал мәдени жобалардың негізін қалаушы және ұйымдастырушысы: олардың қатарында «Дәстүрлер сыйлығы» халықаралық фестивалі, «Өрлеу» халықаралық байқауы, «Музыкалық көпір» циклы, «Аңызбен кездесу» және тағы басқалары бар.

Е. Қанапиянов Т. Жүргенов атындағы Қазақ ұлттық өнер академиясының, П. Чайковский атындағы Алматы музыкалық колледжінің, А. Селезенев атындағы Алматы хореография училищесінің Қамқорлық кеңестерінің құрамына кіреді. Аталған оқу орындарының әрқайсысында Еуразиялық мәдениет қоры аса дарынды шәкірттерге арнап атаулы шәкіртақылар тағайындаған.

Е. Қанапиянов «Құрмет» және «Парасат» ордендерінің иегері, алғашқылардың бірі болып ҚР Президентінің «Гуманитарлық және мәдени салалардағы қайырымдылық қызметі үшін» Құрметті Дипломымен марапатталды.

Қазақстан, Моңғолия, Польша, Ресей мен Украинаның басқа да мемлекеттік және қоғамдық марапаттарымен марапатталған.

Мерейтой қарсаңында Е. Қанапияновтың музыкалық шығармаларының төрт дискіден тұратын музыкалық альбом-антологиясы жарыққа шықты. Бұл альбомға жинақталған вокалдық шығармаларды көрнекті вокалшылар Бибігүл Төлегенова, Әлібек Дінішев, Роза Рымбаева, Нағима Есқалиева, Майра Мұхамедқызы, Медет Шотабаев, Дильназ Ахмадиева, Гуля Төлегенова, Сара Найман және басқалары орындаған. Ал джаз композицияларды әлемге әйгілі саксофоншы Алексей Козловтың жетекшілігімен аты аңызға айналған «Арсенал» ансамблі мен «A’Сapella Expresss» вокал-джаз тобы орындайды.

Сонымен қатар «Бір сәт пен мәңгілік...» фотоальбомы, әңгімелер мен мақалалар жинағы, «Жазмыш тағдыр» эссесі және Е. Қанапияновтың өлеңдерінің жаңа жинағы «Қайнарға оралу» жарық көрді.

Төменде осы жинақтан алынған бірнеше өлеңді, сонымен қатар «A’Сapella Expresss» тобының орындауындағы «Middle of the River» композициясын жариялап отырмыз.

Біздің Telegram-парақшамызда Қазақстанның маңызды жаңалықтары. Жазылыңыздар!