BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Астанада үй төбесіне заңсыз орнатылған ұялы байланыс антенналары алынды

Астана, BAQ.KZ. Департаментте белгілі болғандай, 2018 жылы ұялы байланыстың таратушы құрылғыларынан бөлінген электромагниттік сәулелерге 1557 өлшем жүргізілген. Олардың барлығында да нормадан ауытқушылық анықталмаған. Бұл туралы Астана әкімдігінің ресми сайты хабарлады.

«Дегенмен электромагниттік сәуле таратудың рұқсат етілген деңгейі асырылған және рұқсат құжаттарының жоқтығы расталған жағдайда әкімшілік айыппұл салу және азаматтардың денсаулығына қауіп төндіруі мүмкін жабдықты алып тастау бойынша шаралар қабылданады», – деп мәлімдеді қалалық қоғамдық денсаулық сақтауды қорғау департаментінде.

Көпқабатты үйлердің шатырларына ұялы байланыс антенналарының орнатылуына қатысты елорда тұрғындарының шағымдарына пікір білдірген департамент басшысы 17 антеннаның алынғанын айтты.

«Қалалық Қоғамдық денсаулық сақтауды қорғау департаменті Kcell, ALTEL, Beeline және басқа да ұялы байланыс операторларының құрылғыларынан электромагниттік сәулелердің бөлінуіне үнемі мониторинг жүргізіп келеді. 2018 жылы елорда тұрғындарының ұялы байланыс антенналары туралы өтініштерін тексеру нәтижесінде 17 ұялы байланыс антеннасы алынып тасталды», – деді департамент басшысы Сәдуақас Байғабылов.

Ұялы байланыс антенналарының санитарлық аумақ сақталмай орнатылған жағдайда, адамдардың денсаулығына кері әсерін тигізуі мүмкін.

«Мұның соңы бас ауруы, жүрек-қан тамырлары жүйесі ауруларына және гормоналды өзгерістерге де әкеп соғуы ықтимал. Балабақша, мектеп және интернат ғимараттарына антенналарды орналастыруға тыйым салынады. Ал тұрғын үй және әкімшілік ғимараттардың шатырларына 100 Вт-тан астам қуаты бар таратушы антенналарды орналастыруға тыйым салынған», – деді Сәдуақас Байғабылов.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер