Алматыда жұмыссыздар саны артты - Қоғам|20 Қыркүйек 2018, 11:11
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Алматыда жұмыссыздар саны артты

Фото: 24.kz

Алматыда жұмыссыздық деңгейінің жалпы көрсеткіші 5,2%-ды құрайды, деп хабарлайды Baq.kz ақпарат агенттігі 24kz сайтына сілтеме жасап.

Өткен жылғымен салыстырғанда жұмыссыз деп тіркелгендер саны бір жылда 5 мың адамға ұлғайған. Қалалық жұмыспен қамту басқармасы жүргізген жеке тұлғалардың әлеуметтік дәрежесін анықтау мен тіркеу жұмыстарының нәтижесінде 111 мың адамның әлеуметік дәрежесі нақтыланды.

Бұл шара жұмыссыз деп танылған немесе өзін өзі жұмыспен қамтыған және бейресми еңбек ететіндерге біріңғай жалпыға ортақ төлем енгізу үшін қажет. Алайда тұрғындар тарапынан түсінбеушілік те бар. Мысалы, құрылыс, сауда мен өзге де қызмет көрсету салаларында еңбек ететіндер ресми мекемеге тіркелмейді. Сондай-ақ олар көп жағдайда жұмыс берушімен еңбек келісімшартын да жасамайды. Соның салдарынан ол азаматтарды заңмен қорғау қиындық туғызады. Біріңғай жалпыға ортақ төлем көлемі 1 айлық есептік көрсеткішті құрайды. Ол жылына бір рет төленеді. Сол арқылы әлеуметік дәрежесін анықтап, тіркегендер міндетті медициналық әлеуметтік көмек алуға құқылы.

«Тіркелмегендердің саны жалпы статусы жоқтар бойынша 20,6 мың адамды құрайды. Бұларды біз қабылданған мемлекеттік бағдарлама бар «Нәтижелі жұмыспен қамту және жаппай кәсіпкерлікті дамытудың 2017-2021» бағдарламасына сәйкес оларды біз нәтижелі жұмыспен қамтуға тартып жатырмыз», - дейді қалалық жұмыспен қамту және әлеуметтік бағдарламалар басқармасының басшысы Мейіржан Отыншиев.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер