BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Ерлан Қарин: «Көшпенділер» - әлем қазақтарының тіршілігін танытады

Фото: Нұржас Жақсыбай

Бүгін Орталық коммуникациялар орталығында «Қазақстан» РТРК АҚ тапсырысы бойынша түсірілген «Көшпенділер» атты деректі фильмге қатысты брифинг өтті, деп хабарлайды Baq.kz ақпарат агенттігі.

Шараға Басқарма төрағасы Ерлан Қарин, «Білім - Инновация» халықаралық қоғамдық қорының президенті Дархан Өте Ермаханұлы, Моңғолияда тұратын әлемге танымал қазақтың бүркітші қызы Айшолпан Нұрғайыпқызы мен анасы Алмагүл Көксеген қатысты.

Жобаның мақсаты – әр елде тұратын қазақтардың өмірі мен тұрмыс-тіршіліктеріндегі ерекшеліктерімен таныстырып, ұлтымыздың салт-дәстүрін дәріптеу.

«Көшпенділер» деректі фильмінің негізгі мақсаты кезінде шетелге қоныс аударып, сол жақтарда тұрақтап қалған қандастарымыздың өмірі мен тұрмыс-салтын көпшілікке көрсету. Деректі фильмдер топтамасы 12 бөлімнен тұрады. Осы жобаны жүзеге асырған отандасымыз, белгілі ресжиссер Қанат Бейсекеев. Фильм Моңғолия, Ауғаныстан, Қытай, Түркия, Иран және т.б елдерді мекен еткен қазақтардың тағдыры жайлы баяндайды. Яғни, әр елде тұратын қазақтардың тұрмыс-тіршілігі, ерекшеліктері көрсетіледі. «Көшпенділер» деректі фильмдер топтамасы Ұлттық арнадан 14 қазаннан бастап 23 желтоқсанға дейін эфирге шығатын болады. Сол фильмдердің алғашқысының кейіпкері ортамызда отырған Моңғолияда тұратын қазақтың бүркітші қызы Айшолпан Нұрғайыпқызы Қазақстанға бірінші рет келіп отыр»,-деді Ерлан Қарин.

Фильмнің кейіпкерлері кадрдан тыс мәтінсіз, бастарынан өткерген оқиғаларын, ата-бабаларының тарихын баяндайтын болады. Алғашқы фильмде Моңғолияда тұратын бауырларымыз атадан балаға мұра болып келе жатқан салт-дәстүрлерді сөз етеді. Атамекеннен жырақта жүрген қандастарымыздың шынайы өмірі кез келген көрерменнің қызығушылығын оятары сөзсіз.

Бұған дейін фильмнің алғашқы бөліміне түскен моңғолиялық бүркітші қыз Айшолпанның Қазақстанға келген әсерімен бөліскенін және оның анасы Алмагүл Көксегенқызының қызының бүркітшілікке баруана қалай қарағаны туралы жазған болатынбыз.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер