BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Қазақстанда 1 қаңтардан бастап АЕК мөлшері өзгерді

2018 жылдан бастап Қазақстандағы АЕК мөлшері 6% өсіп, 2405 теңгеге дейін жетті, деп хабарлайды Baq.kz ақпарат агенттігі.

2018 жылдың 1 қаңтарынан бастап АЕК, ең төменгі жалақы, базалық зейнетақы және ең төменгі күнкөріс деңгейі өзгерді. Олар туралы толығырақ ҚР «2018-2020 жылдарға арналған республикалық бюджет» туралы Заңда жазылды.

Бүгіннен бастап АЕК мөлшері – 2405 теңге. Айлық есептік көрсеткіш Қазақстан Республикасы заңнамасына сәйкес, жәрдемақы, өзге әлеуметтік көмек, айыппұл санкциялары және салық мөлшерін анықтауда қолданылады.

1 қаңтардан бастап ең аз жалақы мөлшері 28 284 теңгені (2017 жылы 24 459 теңге) құрайды. Ең аз мемлекеттік базалық зейнетақы төлемі – 15 274 теңге (2017 жылы 12 802 теңге). Ал ең аз зейнетақы мөлшері – 33 745 теңге (2017 жылы 28 148 теңге).

Әлеуметтік көмек мөлшерін анықтауда қолданылатын ең төменгі күнкөріс деңгейі 28 284 теңге (2017 жылы 24 459 теңге) болды.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер