ОҚО-да тәулігіне 50 тонна сүт өңдейтін зауыт іске қосылады - Индустрияландыру|25 Қазан 2017, 20:35
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

ОҚО-да тәулігіне 50 тонна сүт өңдейтін зауыт іске қосылады

Оңтүстік Қазақстан облысы, Ордабасы ауданында орналасқан ең соңғы үлгідегі қондырғыларымен жабдықталған «Бөрте-Милка» кешенді сүт фермасы таяуда сүт өңдеу зауытын іске қоспақ, деп хабарлайды Baq.kz ақпарат агенттігі ОҚО әкімдігі баспасөз қызметіне сілтеме жасап.

Тәулігіне 50 тонна сүтті өңдеуге қауқарлы кәсіпорын қаймақ пен айран және балаларға арнап «Бөрте Милка» йогуртының 6 түрін шығаратын болады. Кәсіпкердің айтуынша, қазіргі таңда зауыт іске қосылуға толықтай дерлік дайын. Жұмысын бастаған күннен бастап шағын фермерлерден де сүт қабылдай бастамақ. Олармен келісім-шарт жасалады.

Компания кешені өңірдегі жалғыз роботтандырылған сүт-тауарлы ферма болып саналады. Ферма шведтің DeLaval компаниясының ең заманауи технологиясын қолданып соғылған.

Мұндағы барлық жұмысты дерлік роботтар атқарады - сиырды тазалап, сауады және тұратын орнын тазалайды. Жемделетін сиырларды салқындату жүйесі, метеостанциясы бар желдеткіш жүйесі, күндізгідей жарық жүйесі, сиырдың тойғанын анықтау камералары орнатылған.

Инвестиция көлемі 2,4 млрд теңгені құрайды. Мұнда Гольдштейн Фриз тұқымдас 700 сиыр бар. Әрқайсысына бірегей коды бар чип орнатылған. Сауын сиыр туралы ақпарат жалпы компьютерге түседі. Әр сиырдан тәулігіне 30-40 литр сүт сауылады. Осылайша бір тәулікте шамамен 9 тонна сүт жиналуда.

Осынау жұмыстың барысымен бүгін облыстық кәсіпкерлік, индустриалды-инновациялық даму және туризм басқармасы ұйымдастырған пресс-тур барысында БАҚ өкілдері мен блогерлер танысып көріп қайтты.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер