BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Енді АИ-92 бензинін Қазақстан өзі өндіреді

Бұл туралы бүгін Астанада өткен баспасөз мәслихатында «ҚазМұнайГаз» ҰК» АҚ-ның мұнай маркетингі, тасымалдау және өңдеу бойынша вице-президенті міндетін атқарушы Данияр Тиесов мәлімдеді, деп хабарлайды Baq.kz ақпарат агенттігі.

«92-ші бензиннің өңірлердегі қоры шамамен 200 мың тоннаны құрайды, бұл әзірге бензин жағдайы қалыпты деп айту үшін жеткілікті. Қазақстандағы АИ-92 бензинін тұтынудың тәуліктік нормасы - 10 мың тонна. Еліміздегі үш мұнай өңдеу зауытынан күніне 8,5 мың тонна бензин алынады және тәулігіне 3-4 мың тонна бензин импортпен жеткізіледі», - деді Д.Тиесов.

«ҚазМұнайГаз» өкілі АИ-95 маркасына қатысты жағдай өзгеше екенін айтады.

«АИ-95 бензині бойынша жағдай сәл қиындау, кей өңірлерде шектеу қойылды және ОҚО, ШҚО, Алматы және Қызылорда облыстарында карталар мен талондар бойынша сатылып жатыр. Қалған өңірлерде шектеу жоқ. Қазақстан бойынша АИ-95 бензинінің 14,5 мың тонна қоры бар, бір айға шамамен 20 мың тонна қажет», - деп атап өтті ол.

Сол себепті, компания өкілдерінің айтуынша, қазақстандық мұнай өңдеу зауыттарының бір бөлігі АИ-95 маркасын шығаруға көшкен.

«Дизельді отын бойынша биыл шамамен 168 мың тонна қорымыз бар. Тұтас республика бойынша жанар-жағармай материалдары жағдайы тұрақты», - деп толықтырды өз сөзін Данияр Тиесов.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер