USD 384.53 
EUR 432.02 
RUB 5.9 
Астана: 
1310 
0
Ағымдағы жыл басынан бері облыста кәсіпкерлерден түскен 178 өтініш қаралып, даулы мәселелер тиісінше шешілуде. Бұл жөнінде Жамбыл облысы Кәсіпкерлер палатасы директорының құқықтық мәселелер жөніндегі орынбасары Қайрат Сыдықов мәлімдеді, деп хабарлайды Baq.kz тілшісі.
«Ұлттық палатаны құрудың мақсаты кәсіпкерлікті дамыту және одан әрі дамыту үшін институционалдық негіз қалыптастыру, сондай-ақ кәсіпкерлік субъектілерінің құқықтары мен заңды мүдделерін таныстыру, қамтамасыз ету және қорғау болып табылады. 2018 жылдың басынан бүгінгі күнге дейін 178 өтініш қаралды, оның ішінде 73 өтініш бойынша оң шешім шығарылып, 59 өтініш бойынша түсініктеме берілді. 7 өтініш іс жүргізу бойынша тоқтатылды және қалған өтініштер бойынша әлі де жұмыстар атқарылуда», - деді палата өкілі.
Сыдықовтың айтуынша, өткен жылы келіп түскен өтініштердің басым бөлігі шағын бизнеске тиесілі болса, ағымдағы жылы да осы қарқын сақталып отыр.
«Қорғалған сома 11,9 млн теңгені құрайды. Соның ішінде, бұл соманың 20% орта бизнес субъектілеріне қатысты болса, қалған 80% шағын бизнеске тиесілі. Палата өкілдері кәсіпкерлік субъектілерін сотта қорғайды. Өткен кезеңде палата өкілдері 18 сот процесіне қатысып, 12 іс кәсіпкердің пайдасына шешілді, 3 іс сот қарауында жатыр», - деп мәлімдеді директор орынбасары.
Белгілі болғандай, облыстағы кәсіпкерлер палатасының мамандары консультативтік-кеңесші органдарға қатысып, кәсіпкерлік мүдделерін қорғау және жүйелік сипаттағы проблемалық мәселелерді анықтау бойынша жұмыстар жүргізеді.
«Бүгінгі күні Кәсіпкерлер палатасының өкілдері 42 консультативтік-кеңесші органға қатысады. Палата аталған орган құрамын сапалы өзгерту және оларды бизнес пен биліктің өзара іс-қимылы процесінде негізгі диалог алаңдары ретінде пайдалану бойынша мақсатты жұмыстар жүргізеді. Қазіргі уақытта жұмыс істеп тұрған консультативтік-кеңесші орган облыстық деңгейде комиссияның 50% бизнес өкілдері құрайды», - деп түйіндеді Сыдықов.
Біздің Telegram-парақшамызда Қазақстанның маңызды жаңалықтары. Жазылыңыздар!
2033
0