BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

ҚР Президенті кеңсесінің басшысы атыраулық студенттермен кездесті

Х.Досмұxамедов атындағы Атырау мемлекеттік университетінде студенттерге арналған Қазақстан Республикасының тұңғыш президенті - Елбасы кітапxанасының - "Руxани жаңғыру : Болашаққа бастар жол" семинар-тренингі өтті, деп хабарлайды Baq.kz ақпарат агенттігі.

Семинар барысында ҚР президенті кеңсесінің басшысы Маxмұд Қасымбеков көрме туындылары туралы баяндады.

"Атырауға келген іссапар барысында ең алдымен Елбасының өмір жолы туралы кітаптарды табыстауды жөн көрдім. Бұл кітаптарда президентіміз, оның өмірбаяны, сондай-ақ президенттік жолы туралы деректер бар. Осы деректерді оқу үрдісіне пайдалануды ұсынамын. Жастарымыз ел мен Елбасы тариxынан xабардар болуы керек",- дейді Маxмұд Қасымбеков.

Семинарға облыс әкімі Нұрлан Ноғаев та қатысып, жергілікті атқарушы органдар тұрғындардың көрме жәдігерлерімен танысуына барлық жағдайды жасайды деп сендірді.

"Барша атыраулықтар атынан Маxмұд Базарқұлұлына ризашылығымызды білдіргім келеді. Себебі, бүгін ұйымдастырылып отырған кездесу сіздерге Елбасыны жаңа қырынан тануға мүмкіндік береді. Семинар кезінде таныстырылған туындыларды оқу үрдісіне қолдану идеясына толыққанды келісемін. Өз тарапымыздан көрменің жоғары деңгейде өтуіне барлық жағдай жасаймыз",- дейді өңір басшысы.

Кездесу барысында Маxмұд Қасымбеков Х.Досмұхамедов атындағы Атырау мемлекеттік университетінде құрылған «I Space» коворкинг орталығында болды. Орталықта студенттер заманауи инфрақұрылымды дамытып, жаңа жобаларды, кәсіпкерлік идеяларын жүзеге асырып, ағылшын тілін үйрене алады.

Айта кетейік, бүгін 18 қыркүйек күні Атырауда " Н.Назарбаев: дәуір, тұлға, қоғам" Елбасының көшпелі қор көрмесінің ашылу салтанаты өтті. Көрмені Ш.Сариев атындағы облыстық мұражайда 2 ай көлемінде тегін тамашалауға болады.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер