Астана қаласының 20 жылдық мерейтойына арналған жас ақындар мүшәйрасы
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
Астана:

Астана қаласының 20 жылдық мерейтойына арналған жас ақындар мүшәйрасы

"Астана – жастар жүрегінде"

Сұлу қыздың суретіндей сымбатты,
Гүл Астанам сүйем сені тым қатты.
Көздің жауын алатын нұр келбетің
Талай жанның жас жүрегін жырлатты.

Тал бойыңа таң шуағын шашып Күн,
Ажарланған айдыныңа ғашықпын.
Болашаққа бағдар болған бас қала
Өзіңменен арманыма асықтым.

Ерке Есілдің бойындағы бақшадай,
Сағат сайын гүлденуде бақ сарай.
Бақ сарайда құшағы кең жақсылар
Қонақтарын қарсы алатын патшадай.

Жастар үшін әрбір жасап жатқан іс,
Мақсаттарға жетелейді қатты ағыс.
Кемеңгерлік кемесімен аттандық
Келешекке еткен еңбек мақтаныш.

Бар қазақтың басындағы бағындай,
Жас қаламыз көш бастауда жаңылмай.
Ниеті де, көшесі де тап-таза
Адалдықтың былғанбаған арындай.

Зәулім-зәулім ғимараттар сан түрлі,
Бір көргеннен тәнті қылар әркімді.
Мөлдір тұнық ерке Есілдің айдыны
Арулардың жанарындай тартымды.

О, Астанам, өркендей бер сән құрып,
Әлем халқын тамсандырып, таң қылып.
Рухты жастар Отанымның жүрегін
Жүрегінде сақтап жүрер мәңгілік!

Жәнібек Салқынбек

Жәнібек Салқынбек
562877

Салқынбек Жәнібек Сағатбекұлы

Киелі мекен Түркістан қаласының тумасы.

"Мен – менмін,

Менмен емеспін.

Құшағын жайған құштар дүниеге

Бекерден-бекер келген емеспін!"

Оның вконтакте желісіндегі «Ақын жүрек» атты парақшасынан авторлық…

Өмірбаян
Ұқсас сілтемелер:
19 Желтоқсан 2018, 19:01
"Костюм шалбар"
11 Желтоқсан 2018, 17:36
"Шүкірлік етем бәріне"
06 Желтоқсан 2018, 19:20
"Бір қыз бар"