BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولداۋدىڭ ەڭ ماڭىزدى تارماعى ۇلتتىق ٴبىلىم بەرۋ جۇيەسى – جازۋشى

فوتو: youtube.com

استانا، baq.kz. بيىلعى قازان ايىنداعى ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنا قاتىستى ەلىمىز بويىنشا تالقىلاۋلار مەن ٴتۇسىندىرۋ جۇمىستارى جۇرگىزىلۋدە. جولداۋدىڭ ماڭىزدىلىعى مەن ونىڭ حالىق ٴۇشىن تيىمدىلىگى جايىندا الەمنىڭ عالىمدارى مەن پروفەسسورلارى دا پىكىر بىلدىرۋدە. سونىڭ ٴبىرى «kyodo news» باسىلىمىنىڭ كولۋمنيستى جانە جازۋشىسى حيروكي سۋگيتانىڭ پىكىرىن وقىرمان نازارىنا ۇسىنىپ وتىرمىز.

پرەزيدەنت ن.ٴا.نازاربايەۆتىڭ ۇلتتىق جولداۋى وتە تەڭدەستىرىلگەن جانە ماعىنالى ساياساتتى قامتيدى. ونىڭ ايتۋىنشا، ۇلتتىق تابىستىڭ دەڭگەيىن كوتەرۋ، ۇلتتىق ٴومىردىڭ ساپاسىن جاقسارتۋ جانە قورشاعان ورتانىڭ جاعدايىن جاقسارتۋ ٴۇشىن قازاقستانعا بۇل سالالاردا جان-جاقتى ساياسات قاجەت. وكىنىشكە وراي، بۇل جولداۋدا الەمدەگى ەڭ ٴىرى ٴۇشىنشى ەكونوميكامەن - جاپونيامەن ىنتىماقتاستىق تۋرالى ايتىلعان جوق جانە ورتالىق ازياعا كوبىرەك كوڭىل ٴبولىندى. ول رەسەي، قىتاي، اقش، ەۋروپالىق وداق جانە شىعىس ازيا ەلدەرىمەن سىرتقى ساياسي ىنتىماقتاستىقتىڭ ماڭىزدىلىعىن اتاپ ٴوتتى، الايدا مەن ول جاپونيانى دا قوسادى دەپ ۇمىتتەندىم.

قازاقستاننىڭ 2050 جىلعا دەيىن الەمدەگى ەڭ ٴىرى 30 ەلدىڭ قاتارىنا ەنۋ تۋرالى ۇلتتىق ماقساتى وسى جولداۋدا كوتەرىلگەن ٴتيىستى ساياساتتاردى جۇزەگە اسىرۋ ارقىلى قول جەتكىزۋگە بولاتىنىنا سەنىمدىمىن. قازاقستان جەر اۋماعى جانە مۇناي-گاز قورلارى سياقتى زور گەوساياسي رەسۋرستارعا يە بولىپ تابىلادى. ن.نازاربايەۆ ايقىن كورسەتىپ وتىرعان كۇشتى كوشباسشىلىق، كورشى ەلدەرمەن ىنتىماقتاستىق جانە ۇلتتىق ۇمتىلىس ماقساتتارعا جەتكىزۋ كەرەك.

جولداۋدىڭ ەڭ ماڭىزدى تارماعى ۇلتتىق ٴبىلىم بەرۋ جۇيەسى. پرەزيدەنت حالىقارالىق ستاندارتتارعا سايكەس جوعارى ٴبىلىم بەرۋ قاجەتتىلىگىن ەرەكشە اتاپ ٴوتتى. 4c (creativity، critical thinking، communication skills، and collaborative working) كرەاتيۆتىك، سىن تۇرعىسىنان ويلاۋ، قارىم-قاتىناس داعدىلارى جانە بىرلەسكەن جۇمىس جاساۋ جوعارى ٴبىلىم بەرۋ سالاسىنداعى عالامدىق دەڭگەيدە ايتىلادى. جوعارى ٴبىلىم بەرۋدىڭ 4س حالىقارالىق ستاندارتتارى اسىرەسە جاساندى ينتەللەكت داۋىرىندە قاجەت جانە ەلدىڭ بولاشاعىن شەشەدى. وكىنىشكە وراي، ٴتىپتى جاپونيا مەن ەۋروپا سياقتى دامىعان ەلدەردە دە مەكتەپتەر مەن كوللەدجدەردە ٴبىلىم بەرۋ ادىستەرىن جاڭا عاسىرعا لايىقتى قىلىپ اۋىستىرۋعا دايىن ەمەس. كونسەرۆاتيۆتى ٴبىلىم بەرۋدى قولدايتىن بيۋروكراتتار مەن وقىتۋشىلار قۇرامىنىڭ ارقاسىندا ٴداستۇرلى جانە ەسكى ٴبىلىم بەرۋ جۇيەسى كوپتەگەن ەلدەردە ساقتالۋدا. وسىنداي ىڭعايسىز جاعداي دامۋدىڭ كەدەرگىسى بولىپ وتىر.

پرەزيدەنت ن.نازاربايەۆ ەڭبەك ونىمدىلىگىنىڭ جىلدام ارتۋىنى قامتاماسىز ەتۋ ٴۇشىن كوپتەگەن ەكونوميكالىق ماقساتتار قويدى. مەن وسى ماقساتتاردىڭ ماڭىزدىلىعى بويىنشا ونىمەن تولىقتاي كەلىسەمىن. دامۋشى ەلدەر ٴۇشىن ەڭبەكتىڭ جوعارى ونىمدىلىگى دامىعان ەلدەر توبىنا قوسىلۋ ٴۇشىن قاجەت. وسىعان قول جەتكىزۋ جوعارى ٴبىلىم ساپاسىنا بايلانىستى. دەمەك، پرەزيدەنت جالپى ىشكى ٴونىمنىڭ 10 پايىزىن ٴبىلىم، عىلىم جانە دەنساۋلىق ساقتاۋ ساياساتتارىنا ٴبولىپ وتىرعانى دۇرىس بولىپ تابىلادى.

جولداۋدا سىبايلاس جەمقورلىق پەن كولەڭكەلى ەكونوميكانى جويۋ باسىم ساياسات تىزىمىنە ەنگىزىلدى. بۇل ۇزاقتان بەرى سوزىلىپ كەلە جاتقان پروبلەمالارعا قاتىستى قاتاڭ ۇستانىمى ساياسي جانە ىسكەري توپتاردىڭ ىشىندەگى قاساقانا ادامداردىڭ جامان ارەكەتتەرىنەن زارداپ شەككەن قازاق حالقىن ىنتالاندىرادى. اشىقتىق پەن ەسەپ بەرۋ قوعامنىڭ كەز-كەلگەن سالاسى ٴۇشىن وتە ماڭىزدى.

سىبايلاس جەمقورلىقتى جانە كولەڭكەلى ەكونوميكانى جويۋ كەيبىر كەزدە جاۋلاردىڭ پايدا بولۋىنا الىپ كەلەدى. سوندىقتان ٴادىل جانە ايقىن سوتتىق تەرگەۋ، سونداي-اق ۇلتتىق ەتيكا وتە ماڭىزدى.

حالىقارالىق قاتىناستاردا جاپونيامەن ىنتىماقتاستىق بەلسەندىرەك بولۋى كەرەك. قازاقستانعا جاپوندىق ينۆەستيسيالار ٴالى دە تومەن دەڭگەيدە قالىپ وتىر. ٴبىراق بۇل، ەڭ الدىمەن، قازاقستان تاراپى جاپونيانىڭ جەكە-مەنشىك سالاسىندا اگرەسسيۆتى جۇمىس جاسامايدى. جاپونيا مەن قازاقستان بىر-بىرىنە الىس ورنالاسقان. ٴبىراق ەكى ەل، قىتاي، رەسەي جانە اقش سياقتى ۇلكەن مەملەكەتتەرمەن قورشالعان، سوندىقتان بىزدە ورتاق گەوساياسي ماسەلەلەر بار. جوعارىدا سيپاتتالعان گەوساياسي ۇقساستىقتار ەكى ەلدىڭ اراسىنداعى ىنتىماقتاستىقتى ودان ٴارى دامىتۋ ٴۇشىن جاڭا جالپى نەگىزگە كوشۋى كەرەك. قاۋىپسىزدىك ماسەلەسى بويىنشا كەلىسسوزدەر جۇرگىزۋ ٴۇشىن جاپونيا مەن قازاقستاننىڭ سىرتقى ىستەر جانە قورعانىس مينيسترلەرىنىڭ ٴتورتجاقتى كەزدەسۋىن وتكىزۋدى ۇسىنامىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي